«Jasyleldikter» Shyǵys Qazaqstan oblysynda uıymdastyrylǵan «Jasyl desant» ekspedıtsııasynan oraldy
STANA. Tamyzdyń 23-i. QazAqparat /Jasulan Amanbaıuly/ - «Jasyleldikter» Shyǵys Qazaqstan oblysynda uıymdastyrylǵan «Jasyl desant» ekspedıtsııasynan oraldy. Bul týraly búgin «Jasyl el» eńbek jasaǵy respýblıkalyq shtabynyń jetekshisi Eskendir Salıhodjaev málim etti,
dep habarlaıdy QazAqparat tilshisi.
Tamyzdyń 12si men 20-sy aralyǵynda «Jasyl el» jasaǵynyń ár oblystardan kelgen jalpy sany 25-ke tarta sarbazy Shyǵys Qazaqstan oblysynyń Ýba ózeni boıymen júrip ótken.
«Sarbazdar Qaraqoja aýylynan Joǵarǵy Ýba aýylyna deıingi 85 shaqyrym joldy eki kúninde jaıaý júrip, jolaı týrısterdiń demalys oshaqtaryndaǵy aýmaqty qoqystardan tazartty. Sapardyń qalǵan tórt kúninde kaıyqtarmen Ýba ózeni boıymen júzip ótti», deıdi E. Salıhodjaev.
Onyń aıtýynsha, bastapqyda sapardyń ıdeıasy - «jasyleldikterdi» biriktirip, óńirlerdegi jastardyń basyn qosý bolǵan. Sol arqyly jasaqtyń respýblıkalyq deńgeıdegi birligin kórsetý úshin jasalǵan.
«Alaıda sapardyń daıyndyǵyn qamdaý barysynda kóptegen usynystar men ıdeıalar paıda boldy. Nátıjesinde ekologııalyq desantty uıymdastyrý týraly bastama qatty unady», deıdi ol.
Ekspedıtsııa kezinde jasaq sarbazdary sol óńirdiń sý, topyraq úlgilerin alyp, aǵashtary men ósimdik álemin zerttegen. Sonymen qatar jalpy ekologııalyq ahýalǵa saraptama jasaǵan. Respýblıkalyq shtab jetekshisiniń aıtýynsha, «Jasyl el» bolashaqta jastarǵa arnalǵan eńbek jasaǵy retinde ǵana emes, ózin ekologııalyq uıym retindegi ustanymdaryn kórsetetin bolady».
«Jolsaparymyzdyń barysynda biz jaǵymsyz jaǵdaılardy da kórdik. Іri qazaqstandyq kásiporyn óziniń óndiristik qaldyqtaryn Ýba ózenine tastaıtyndyǵyn baıqadyq. Ol jerde biz eshqandaı tazartý júıesin kóre almadyq, qaldyqtar aryq arqyly ózenge quıylyp jatyr», deıdi E. Salıhodjaev.
«Jasyl el» respýblıkalyq shtaby «Jasyl desant» saparyn turaqty túrde ótkizip otyrýdy josparlaýda.
