«Jasyl tóbe» zastavasynyń shekarashylary memleket shekarasynan qarý alyp ótpek bolǵan eki zań buzýshyny ustady
ASTANA. 4 shilde. QazAqparat - «Ońtústik» aımaqtyq basqarmasy Qordaı shekara jasaǵynyń «Jasyl tóbe» zastavasynyń shekarashy jaýyngerleri memleket shekarasynan qarý alyp ótpek bolǵan eki zań buzýshyny ustady. Bul týraly QR UQK Shekara qyzmetinen habarlady.
QR eki azamaty «Isýdzý» avtokóligimen Qyrǵyzstannan kele jatqan. Shekarashy jaýyngerlerdiń qyraǵylyǵynyń arqasynda zań buzýshylardan belgilengen tártipte bólshektelgen «Kalashnıkov-74» avtomaty men Makarov pıstoleti tárkilendi. Sonymen birge, qarýlardyń nómirleri óshirilgen. Salmaǵy 1200 kılogramm qarýdy olar balalarǵa arnalǵan kıimge jasyrmaq bolǵan. Alyp ótpek bolǵan júktiń qujattary da bolmaı shyqty. Atalǵan fakti boıynsha tergeý amaldary júrgizilýde.
Qazaqstan Respýblıkasy Ulttyq qaýipsizdik komıteti Shekaralyq qyzmetiniń áskerı qyzmetkerleri kún saıyn jasyryn taýar alyp ótý áreketiniń jolyn kesetinin jáne buzýshylardy ustaıtynyn atap aıtý kerek.
