Jasyl tehnologııalar boıynsha Ortalyq Azııa habyna aınalýymyz kerek - Rápil Joshybaev
«Memleket basshysynyń tapsyrmasymen 17-22 sáýir kúnderi Halyqaralyq jasyl tehnologııalar jáne ınvestıtsııalyq jobalar ortalyǵy qurylǵan bolatyn. Qazirgi ýaqytta bul jańa saladaǵy álemdik tájirıbelerdi zertteý ústindemiz. Qytaıǵa kelmesten buryn, biz Ońtústik Koreıa, Japonııa, AQSh, Birikken Arab Ámirlikteri men Eýropa elderiniń aldyńǵy qatarly tájirıbelerin zerdelep kórdik. Qytaı ǵylym akademııasy janyndaǵy Qashyqtyqtan zondtaý jáne tsıfrlandyrýdy zertteý ortalyǵynda tabysty kezdesýler ótti. Bul - ekologııa, qaldyq jáne óge de ózekti máselelermen tyǵyz baılanysty yntymaqtastyqtyń óte qyzyq baǵyty», - dedi R. Joshybaev QazAqparat tilshisine bergen suhbatta.
Sonymen birge, R. Joshybaev Jibek joly akademııasynyń, QHR Reformalar jáne damý isteri boıynsha memlekettik komıteti, QHR Memlekettik energııany únemdeý ortalyǵynyń ókilderimen jáne Qazaqstan ekonomıkasyna jasyl tehnologııalardy engizýdi ınvesıtsııalaýǵa qyzyǵýshylyq tanytqan bıznes-qurylymdarmen kelissózder júrgizdi.
«Sapar barysynda Qytaıdyń sheteldik ekonomıkalyq yntymaqtastyq ulttyq korporatsııasymen yntymaqtastyq týraly kelisimge qol qoıdyq. Bizge kún panelderin, jel stansalary men sý elektr stansalaryn shyǵarý salasyndaǵy birqatar iri kompanııalar tanystyryldy. Birlesip jumys isteıtin kóptegen seriktester tabyldy», - dedi skazal R. Joshybaev.
Shanhaıda Jańa tehnologııalar basqarmasynyń bas ınjenerimen jáne «jasyl ekonomıka» salasynda jumys isteıtin qytaılyq kompanııalardyń ókilderimen kelissózder júrgizilgen.
«Qytaı jańartylatyn energııa kózderin óndirý boıynsha álemde ekinshi oryn alady. Bizdiń ortalyq jasyl tehnologııalarǵa qol jetkizýde, olardy engizýde Ortalyq Azııanyń habyna aınalýy tıis», - dep atap ótti R. Joshybaev.
Eske sala ketsek, Halyqaralyq jasyl tehnologııalar jáne ınvestıtsııalyq jobalar ortalyǵy EKSPO-BUU halyqaralyq ortalyǵynyń bazasynda jumys isteıtin bolady. Jańa ortalyq «Astana EKSPO-2017» kórmesi murasynyń ıdeologııalyq jalǵasy bolady, sondaı-aq ol jasyl ekonomıkany damytý salasynda álemdik qaýymdastyq arasyndaǵy strategııalyq áriptestik qatynastardy ornatýǵa baǵyttalǵan. Buǵan qosa bul qazaqstandyq jobalarǵa ınvestıtsııalar tartýǵa jol ashady.
17-18 mamyr kúnderi ótetin Astana ekonomıkalyq forýmyndaǵy sessııalardyń biri jasyl ekonomıka taqyrybyna arnalmaq.
Avtor: Sadyq Akıjanov