«Jasyl kópir» bastamasy Qazaqstan úshin ekologııalyq taza tehnologııalardyń kópiri istepttes bolmaq - Nurǵalı Áshim
ASTANA. 5 mamyr. QazAqparat /Arman Asqarov/ - Búgin QR Qorshaǵan ortany qorǵaý mınıstrliginde «Jasyl kópir» atty Astana bastamasyn iske asyrý jónindegi áriptestik baǵdarlamany talqylaýǵa arnalǵan jıyn ótti.
QR Qorshaǵan ortany qorǵaý mınıstri Nurǵalı Áshim atap kórsetkendeı, «Jasyl kópir» atty Astana bastamasynyń negizgi maqsaty - Qazaqstandaǵy óndiristik salaǵa qatań ekologııalyq talaptardy engizip, otandyq ekonomıkany «jasyl» ekologııanyń halyqaralyq negizderine sáıkestendirý. «Jasyl kópir» bastamasy Qazaqstan úshin ekologııalyq taza tehnologııalardyń kópiri ispettes bolmaq. Ol arqyly biz óndiristik oshaqtarǵa qoıylatyn talaptardy kúsheıtip, el ekologııasyna shyǵarylatyn zııandy qaldyqtardy aıtarlyqtaı azaıta alamyz. Jalpy, búgingi tańda «Jasyl kópir» atty Astana bastamasyn Azııa men Tynyq muhıt elderi tolyǵymen qoldap otyr. Endigi maqsatymyz - 2011 jyly qyrkúıek aıynda ótetin «Eýropa úshin qorshaǵan orta» taqyrybyndaǵy mınıstrler konferentsııasynda osy qujatty qabyldaý», - deıdi N.Áshim.
