«Jasyl kópir» baǵdarlamasyn iske asyrýǵa jańartylatyn energııa kózderin tutyný jobalary, «taza ónim" óndiristeri jumyldyrylatyn bolady
ASTANA. 16 shilde. QazAqparat - Jasyl tehnologııalarǵa jáne ınvestıtsııalarǵa qoljetimdilikti keńeıtýge jaǵdaı jasaý jáne ınfraqurylymdar turǵyzý jobalary «Jasyl kópir» baǵdarlamasynyń negizgi quraldary bolyp tabylady,
dedi «Jasyl kópir» baǵdarlamasyn ázirleý jónindegi jumys tobynyń jetekshisi Bolat Essekın Pm.kz saıtyna bergen suhbatynda.
«Jasyl kópir» baǵdarlamasyn iske asyrýǵa jańartylatyn energııa kózderin tutyný jobalary, «taza ónim" óndiristeri jumyldyrylmaq.
«Eýropadan aıyrmashylyq sol, Qazaqstanda jer resýrstarynyń 90% hımıkattarmen jáne pestıtsıdtermen ýlanbaǵan, sondyqtan da halyqaralyq naryqtarda úlken suranysqa jáne joǵary baǵaǵa ıe «taza» azyq-túlik ónimderin ósirýdiń múmkindigi zor. «Jasyl kópir» sııaqty jobalardyń kómegimen dıhandarǵa ónimder ósirýge, sonyń arqasynda mol tabys taýyp, qosymsha jańa tehnologııalar satyp alýǵa kómektesý kerek», - dedi Qorshaǵan ortany qorǵaý mınıstriniń keńesshisi B.Essekın.
Ol sondaı-aq, «balabaqshalar men aýrýhanalardy, mektepter men turǵyn úılerdiń qurylystaryn ekologııalyq taza materıaldar men tehnologııalardyń negizinde júrgizýge bolatynyn, bul materıaldardyń qazir bizde qoldanyp otyrǵan materıaldardan ekologııalyq turǵydan áldeqaıda taza ekenin» aıtyp ótti.
Jańartylatyn energııa kózderiniń de áleýeti zor ekenin aıtyp ótken «Jasyl kópir» baǵdarlamasyn ázirleý jónindegi jumys tobynyń jetekshisi, qorshaǵan ortany lastamaı jáne tabıǵı resýrstardy buzbaı arzan energııa qýatyn óndirýdiń birden-bir joly osy ekenin aıtty.
