«Jasyl Qazaqstan» ulttyq jobasy qashan qabyldanady
NUR-SULTAN. QazAqparat – «Jasyl Qazaqstan» ulttyq jobasy osy jyldyń 1 shildesine qaraı qabyldanady. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.
«Jasyl Qazaqstan» ulttyq jobasy 7 negizgi bólimnen turady: sý nysandaryn saýyqtyrý, aýanyń lastaný deńgeıin tómendetý, qaldyqtardy basqarý, bıoalýantúrlilikti saqtaý, eldi kógaldandyrý, energııa tıimdiligi, ekologııalyq bilim jáne ekologııalyq mádenıetti arttyrý. Bul aýanyń lastaný deńgeıi joǵary 10 qala - Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezqazǵan, Shymkent qalalaryndaǵy jaǵdaıdy jaqsartýǵa múmkindik beredi», - dedi ol.
Budan bólek, mınıstrdiń aıtýynsha, 2025 jylǵa qaraı sarqyndy sýlardy aǵyzý kólemin tómendetýge qol jetkizýdi, qaldyqtardy qaıta óńdeý úlesin aǵymdaǵy 18 paıyzdan 35 paıyzǵa deıin arttyrýdy, sondaı-aq eldiń jalpy ishki óniminiń energııa syıymdylyǵyn azaıtý josparlanǵan.
«Eki ulttyq jobany ázirleý jáne bekitý jumystary osy jyldyń birinshi shildesine qaraı aıaqtalady», - dedi Maǵzum Myrzaǵalıev.
