Jasyl enerııamen júzetin kater Parıj portynan jolǵa shyqty
ASTANA. QazAqparat - Álemdegi alǵashqy jasyl energııamen júzetin Energy Observer kateri 15 shildede Parıj portynan saıahatqa attandy, ol jerdi aınalyp shyqpaq, dep habarlaıdy Associated Press .
Katerdiń sapary 14 sáýirde Bretanıdaǵy Sent-Malo portynda bastalǵan edi. Kemeni shkıperler Frederık Daırel, Vıktorıen Erýssarlar basqarady, sondaı-aq komanda quramynda - súńgýir Jerom Delafoss bar. Olar qarapaıym katerden Energy Observer-di jasady, qaıta jabdyqtaýǵa bir jyl ishinde $5,25 mln jumsady.
Alǵashqy aıaldama - Parıjge kater 5 maýsymda jetti. Al ol saıahattaý kezinde 50 eldiń 100 port, qalalaryna aıaldaıdy.
Kúndiz bort júıelerine, 30,5 metrlik katerdiń elektr qozǵaltqyshyna qýatty kún paneli men jel generatory beredi, sondaı-aq olar akkýmýlıator batareıalaryn qýattaıdy. Túnde Energy Observer otyndyq sýtegi elementterin paıdalanady. Olar teńiz sýyn eloktrolız kómegimen sýtegi otynyna aınaldyrady. Sapar barysynda jınalǵan málimetter sýtegi otyndyq bólshekterdi jetildirýge paıdalanylady.
Foto: Associated Press
