«Jasyl eldiń» basshysy 16 mln teńgeni jymqyrýdy josparlaǵan

ASTANA. QazAqparat - Qostanaı oblysynda «Jasyl el» memlekettik baǵdarlamasy aıasynda bıýdjet qarajatyn jymqyrý áreketine tosqaýyl qoıyldy. Qylmystyq toptyń quramynda «Jasyl eldiń» oblystyq basshysy da bolǵan, dep habarlaıdy QazAqparat tilshisi.

«Ekonomıkalyq tergeýler qyzmeti qalany abattandyrý men kógaldandyrý salasynda jastardy jumysqa turǵyzýǵa arnalǵanq ylmystyq jospardy áshkereledi. Tergeý málimetterine sáıkes, qylmystyq toptyń quramynda Qostanaı oblystyq «Jasyl el» fılıalynyń basshysy, sondaı-aq tórt jeke kásiporynnyń jetekshisi bolǵan. Olar 2014-2016 jyldary aralyǵynda oıdan shyǵarǵan adamdardyń atyna járdemaqy jazyp otyrdy. Sóıtip, 16 mln teńgeni jymqyrýdy oılaǵan», - dedi Ekonomıkalyq tergeýler departamentiniń profılaktıkalyq jumys jáne baqylaý bóliminiń bastyǵy Arman Esembaev Astanada ótken baspasóz máslıhatynda.

Aıta keteıik, búgin QR Qarjy mınıstrliginiń Memlekettik kirister departamenti Ekonomıkalyq tergeýler qyzmeti alty aıda atqarylǵan jumys boıynsha esep berdi. Sońǵy alty aıdyń ishinde ekonomıkalyq qylmystar boıynsha memleketke kelgen shyǵyn 151,5 mlrd teńgeni qurady. Atalǵan qarjynyń bári áleýmettik baǵdarlamalarǵa arnalǵan bolatyn. Bul qarjyǵa shamamen 70 mektep turǵyzýǵa bolatyn edi. Al, shymkenttik sheneýnikter bıýdjet aqshasyn jymqyrýdyń taǵy bir jolyn tapty. Sondaı-aq, Qaraǵandy oblysynda júkti kelinshekter 70 mln teńgeni úptep ketken.