«Jasyl el» jastary Atyraý oblysynda arheologııalyq zertteýler júrgizedi
ASTANA. QazAqparat - Atyraý oblysynda «Jasyl el» jasaǵynyń jumys maýsymy ashyldy. Bıylǵy jyly stýdentter men jumysshy jastardyń sany 2150 adamǵa deıin artty, dep habarlaıdy QazAqparat.
Jasyl eldiń jumysy Atyraý oblystyq Jastar saıasaty máseleleri basqarmasy jáne Atyraý qalasynyń Jastar resýrstyq ortalyǵynyń qoldaýymen ótkizilip jatyr. «Jasyl el» jastardy jumyspen qamtyp qana qoımaı, olardyń besendiligin kóterý maqsatynda jumys jasaıdy.
Atyraý oblystyq Óńirlik kommýnıkatsııalar qyzmetinen málim etkendeı, aǵymdaǵy jyly «Jasyl el» jasaǵyna qatysatyndar sany artqan. Aldyńǵy jyldary 700 sarbaz bolsa, 2017 jyly 2 myńnan asqan. Al bıyl 2150 sarbazǵa deıin jetti. Jasyl elde qyzmet atqaratyn jastar salyqtar men áleýmettik aýdarymdardy qosa eseptegende 61 myń teńge jalaqy alatyn bolady.
«Jas Otan» jastar qanaty tóraǵasynyń aıtýynsha, búginde halyq kóp júretin jerler men saıabaqtarda abattandyrý men kógaldandyrý jumystary júrgizilýde.
«Jasyl el» jasaǵy kógaldandyrý men arheologııalyq baǵyt boıynsha, jumystar atqarady. Arheologııalyq baǵytta jastar Saraıshyq pen Qarabaý eldi mekenderine baryp, zertteý jumystaryn júrgizetin bolady. Jospar boıynsha, qazan-qyrkúıek aılarynda qalaǵa tal egý jumystaryn júrgizetin bolamyz», - deıdi «Jas Otan» JQ tóraǵasy Abylaı Qurmetuly.
Aıta keteıik, «Jasyl El» 2005 jyly Elbasynyń bastamasymen bastalǵan bolatyn. Dástúr boıynsha, jasyl eldiń jumysy 1 maýsym kúni bastalyp ketti. Resmı ashylýy eki aptadan keıin bolyp otyr.
«Jasyl el» jasaǵyna 16 men 29 jas aralyǵyndaǵy stýdentter men jastar qabyldanady. Qabyldaý jumystary jaz boıy júrgiziledi.
