«Jasyl el» shtaby fılıalynyń burynǵy basshysyna 16 mln teńgeni jymqyrdy degen aıyp taǵyldy
ASTANA. QazAqparat - Qostanaı qalalyq №2 sotyna «Jasyl el» Jastar eńbek jasaqtarynyń respýblıkalyq shtaby» Qostanaı oblystyq fılıaly jeke mekemesiniń 29 jastaǵy burynǵy basshysyna qatysty qylmystyq is tústi.
Azamat A. 16 mıllıon teńgeni jymqyrdy dep aıyptalýda, dep habarlaıdy «QazAqparat» HAA oblystyq sottyń saıtyna silteme jasap.
Іs materıaldaryna qaraǵanda, 2014-2015 jyldar aralyǵynda fılıaldyń eks-basshysy adamdar tobymen aldyn ala sóz baılasý arqyly áreket jasaǵan. Ol kásipkerlermen aldyn ala kelisip, óziniń tanystaryn jumysqa turǵyzyp, keıin olardyń qujatyn eńbek jasaqtaryna rásimdegen. Іstelmegen jumysqa tizimdeme (vedomost) jazyp, respýblıkalyq bıýdjetten qarjy aýdarǵan. Ol qarjy jumystan bosatylǵan basshy men onyń sybaılastarynyń esepshotyna túsken, - delingen Qostanaı oblystyq soty baspasóz qyzmetiniń málimdemesinde.
Jymqyrylǵan qarjy memleketke qaıtarylyp, tergep-tekserý bastaldy. Negizgi sot otyrysy aǵymdaǵy jyldyń 3 qarashasy kúni ótedi.
