«Jasyl el» fılıalynyń burynǵy basshysy sot aldynda jaýap beredi
QOSTANAI. QazAqparat - Qostanaıda sybaılastyq áreketterge barǵan «Jasyl el» respýblıkalyq jastar eńbek jasaǵy oblystyq fılıalynyń buryńǵy basshysy, shtab menedjeri men tórt kásipkerge qatysty qylmystyq is qaralady, dep habarlaıdy «QazAqparat» HAA tilshisi.
«Aıyptalýshylar 2014-2015 jyldar aralyǵynda «Jasyl el» jasaǵynda jumys ornyndaryn berý boıynsha dostary men tanystarynyń kómegimen, sondaı-aq jeke kásipkerlermen ymyralasyp, tıisti qujaty joq adamdardy jumysqa alyp kelgen. Osylaısha, bul qyzmetkerler Qostanaı qalasy men oblys aýmaǵyn abattandyrý jumystaryn júrgizý úshin «Jasyl el» jasaǵyna formaldy túrde jumysqa qabyldanǵan» , - dep jazylǵan oblystyq sottyń baspasóz paraǵynda.
Budan basqa, aıyptalýshylar obektilerdegi adamdardyń jumys ýaqyty týraly jalǵan málimetterden quralǵan jumys ýaqyttaryn esepke alý tabeli men oryndalǵan jumys aktisin jasaǵan.
Osy aıtylǵandardyń negizinde esepshi jalaqyǵa qosymsha aqy aýdarý úshin eseptik-tólem qujatyn jasap, bul málimetterdi aqshany aýdarý úshin «Jasyl el» resbýlıkalyq shtabyna jibergen, sosyn sybaılastyq jolmen qarajat urlanǵan.
