«Jasyl el» baǵdarlamasy jalǵasatyn boldy - QR Bilim jáne ǵylym mınıstri

ASTANA. QazAqparat - «Jasyl el» baǵdarlamasy jalǵasatyn boldy. Bul týraly búgin QR Úkimet otyrysynyń qorytyndysy boıynsha Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Aslan Sárinjipov málim etti.

«Qazaqstan halqy Assambleıasy sessııasyna Elbasy «Jasyl el» baǵdarlamasy boıynsha tıisti tapsyrma berdi. Osy oraıda búgin Úkimet otyrysynda naqty sheshim qabyldandy. Atap aıtqanda, baǵdarlamany aldaǵy jyldan bastap jalǵastyramyz. Bıyl osy baǵdarlamany júzege asyrýdyń sońǵy jyly bolatyn», - dedi mınıstr.

Onyń sózine qaraǵanda, atalǵan baǵdarlamanyń barysynda, ıaǵnı 2008 jyldan beri 44 mln. túp aǵash otyrzylyp, bul jumystarǵa 200 myńnan astam jastar qatysty. Sonymen qatar osy jyldary 111 myń gektardan astam jer óńdeldi.

«Bul baǵdarlama aıasynda aýqymdy jumystar atqarylǵanyn eskersek, «Jasyl el» óte qajet ekenin atap ótkim keledi. Memlekettiń sheshimimen baǵdarlama merzimi uzartylady»,- dep naqtylady A.Sárinjipov.