«Jasyl ekonomıkaǵa» kóshý 2050 jylǵa qaraı 500 myń jumys ornyn ashýǵa múmkindik beredi - N.Qapparov
ASTANA. 5 maýsym. QazAqparat - «Jasyl ekonomıkaǵa» kóshý 2050 jylǵa qaraı 500 myń jumys ornyn ashýǵa múmkindik beredi. Bul týraly Búgin QR Prezıdenti janyndaǵy Ortalyq kommýnıkatsııalar qyzmeti uıymdastyrǵan brıfıngte QR Qorshaǵan ortany qorǵaý mınıstri Nurlan Qapparov málim etti.
Mınıstrdiń aıtýynsha, «jasyl ekonomıkaǵa» kóshý Qazaqstannyń álemniń damyǵan 30 eliniń qataryna kirý jónindegi maqsatyna qol jetkizýin qamtamasyz etedi. Jalpy esepteý boıynsha 2050 jylǵa qaraı «jasyl ekonomıka» aıasyndaǵy jańartýlar JІÓ-ni qosymsha 3 paıyzǵa ulǵaıtyp, 500 myńnan astam jumys ornyn qurýǵa, ónerkásip pen qyzmet kórsetýlerdiń jańa salalaryn qalyptastyrýǵa, halyq úshin sapaly ómir súrý standarttaryn qamtamasyz etýge múmkindik beredi.
Tutastaı alǵanda, «jasyl ekonomıkaǵa» kóshý úshin qajetti ınvestıtsııalar kólemi jyl saıyn JІÓ-niń shamamen 1 paıyzyn quraıdy. Al bul jylyna 3-4 mlrd. AQSh dollaryna teń.
