«Jasyl ekonomıka» jobalaryn qarjylandyratyn venchýrlyq qor qurylady

ASTANA. QazAqparat - Qazaqstanda 2014 jyly «jasyl ekonomıka» jobalaryn qarjylandyratyn venchýrlyq qor qurylady. Bul týraly búgin OKQ-de ótken baspasóz máslıhatynda «Báıterek» Ulttyq basqarýshy holdıngi» AQ Basqarma tóraǵasy Qýandyq Bıshimbaev málim etti.

Birlesken kásiporyndar qurý, sonyń ishinde shetelden ınvestıtsııa tartý máselesine toqtalǵan Q.Bıshimbaev qazirgi ýaqytta Islam damý korporatsııasymen kelisim jasalǵanyn atap ótti.

«Bul qor 2014 jyly qurylady. Qazirgi ýaqytta qordyń bastapqy somasy shamamen 50 mln. dollardy quraıtyn bolady», - deıdi Q.Bıshimbaev. «Onyń aıtýynsha, demeýshiler retinde Tehnologııalyq damý ulttyq agenttigi, jekemenshik kompanııalar toby jáne Islam damý korporatsııasy qatysady.

«Qor dástúrli qarjylandyrýdan bólek ıslamdyq qarjylandyrýdyń elementterin qamtymaq. Birinshi kezeńde elimizde «jasyl ekonomıka» jobalaryna 50 mln. dollar jumsalady. Birinshi kezeń sátti ótse, keıin 100 mln. dollarǵa deıin artýy múmkin», - dedi holdıng basshysy.