«Jasyl» ekonomıka jáne G-Global damytý koalıtsııasy QR Prezıdentiniń bastamasyn qoldady
ASTANA. QazAqparat - «Jasyl» ekonomıka jáne G-Global damytý koalıtsııasy Memleket basshysynyń Jer kodeksiniń normalaryna moratorıı engizgen sheshimin tolyqtaı qoldaıtyndyqtaryn málim etti.
Koalıtsııanyń pikirinshe, Úkimet janynan el Prezıdentiniń tapsyrmasy boıynsha qurylǵan komıssııa men beıindi mınıstrlikter arasyndaǵy ókilettikterdi bólý aýyl sharýashylyǵy jerin paıdalaný máselesin tártipke keltirýge yqpal etetin bolady.
Mańyzdysy, komıssııa jumysyna qoǵamdyq ınstıtýttar qatysady.
«Prezıdenttiń aınalasyna qoǵamdy shoǵyrlandyrý jáne Memleket basshysynyń bastamalaryn jalpyǵa birdeı qoldaý ǵana Qazaqstannyń alǵa sátti jyljýyn qamtamasyz etýge múmkindik bere alatynyna senimdimiz. Prezıdent usynǵan qadam memlekettik organdar men azamattar arasynda ashyq dıalog qalyptastyrýǵa qyzmet etedi dep sanaımyz», - dep atap ótken Koalıtsııa.
