Jasyl beldeýde qyrǵaýyl sany qalaı kóbeıýde
ASTANA. QazAqparat - Astana ormany mekemesi qurylǵaly segiz myńnan astam qyrǵaýyldy jasyl beldeý ormanyna jibergen, dep habarlaıdy Astana qalasy ákimdiginiń medıa ortalyǵy">medıa ortalyǵy .
Astana ormany mekemesi Astana jasyl beldeýin ań men qusqa qolaıly etý úshin biraz jumystar atqaryp jatyr. Sonyń biri - Astana ormanyna qarasty qyrǵaýyl fermasy. 
Eń birinshi Astana qalasynyń jasyl beldeýinde ańshylyq qyrǵaýyldy jasandy ósirý jáne jersindirý boıynsha bıologııalyq negizdeme alynǵan. Qyrǵaýyldar aıazǵa tózimdi (túnde qarǵa oranyp alady), olar kútimdi asa qajet etpeıdi. Tek qana qysqy ýaqytta qosymsha tamaqtandyrý qajet.
Tabıǵatqa jiberilgen qyrǵaýyldar qoregi ósimdik taǵamdarynan - tuqymdar, jemister, tamyr sabaqtarynan jáne ósimdikterdiń jasyl bólikterinen turady, alaıda múmkindik bolsa olar janýarlar azyqtarymen, jándiktermen jáne olardyń balańqurttarymen, órmekshilermen, qurttarmen, ulýlarmen qorektenedi. 
Astana ormany mekemesi 2010-2011 jyldary 125 qyrǵaýyl satyp alyp, ony kóbeıtýmen aınalysqan. Alty jyl ishinde ınkýbatsııalyq jolmen jumyrtqadan 9883 bas qyrǵaýyl shyǵarylyp, onyń 8483 basy jasyl beldeý ormanyna jiberilgen.
Erkindiktegi qyrǵaýyldarǵa únemi baqylaý júrgiziledi. Qazirgi ýaqytta tor úılerde 1340 qyrǵaýyl bar. Kelesi jyly ormanǵa 1800 bas qyrǵaýyl shyǵarý josparlanýda. 
Qyrǵaýyl ósirý kelesideı máselelerdi sheshýge kómektesedi: zııankes-jándiktermen kúres (zııankesterden qorǵanys bıologııalyq tásili), jasandy jasyl beldeý alqabyn tabıǵı orman, jabaıy tabıǵat jaǵdaıy talaptaryna barynsha jaqyndatý. Úshinshi, Qazaqstanda qyrǵaýyldardyń mekendeý arealyn keńeıtý.
Jumysshylar qyrǵaýyldarǵa kúnine eki mezgil jem shashady. Bul qyrǵaýyldar bıylǵy balapandar. Jazda ormanǵa jiberýge daıyndap jatyr. 
Qyrǵaýyl fermasynda túrli tuqymdy qyrǵaýyldar bar. Astana ormany qyzmetkerleri olardy shaǵylystyrý arqyly Saryarqa aýa raıyna tózimdi jańa qyrǵaýyl tuqymyn shyǵarmaq.
