«Jasyl aımaqta» balalardyń oıyn-saýyq ortalyqtarynyń jumysyna ruqsat etildi

NUR-SULTAN. QazAqparat - 7 kún «jasyl» aımaqta bolǵan óńirlerde tsırkterdiń, bılıard klýbtary men balalardyń oıyn-saýyq ortalyqtarynyń jumys isteýine ruqsat etildi, dep habarlaıdy QazAqparat.

Bul týraly búgin QR Premer-Mınıstriniń orynbasary Eraly Toǵjanov tóraǵalyq etken koronavırýs ınfektsııasynyń taralýyna jol bermeý jónindegi vedomstvoaralyq komıssııanyń otyrysynda málim boldy.

Otyrys barysynda 7 kún boıy «jasyl aımaqta» turǵan óńirlerde bıylǵy jyldyń 1 naýryzynan bastap tolymdylyǵy 30%-dan aspasa, balalar oıyn-saýyq ortalyqtarynyń jumys isteýine, sporttyq is-sharalardyń ótkizilýine (30%-ǵa deıin), juma namazyn oqýǵa (30%-ǵa deıin) jáne as berý rásimin ótkizýge (30%-ǵa deıin, 50 adamnan artyq emes) bolatyny aıtyldy.