«Jasyl aımaq» pen «sary aımaqta» ornalasqan óńirlerde qoǵamdyq kólik qaı ýaqytta júredi
NUR-SULTAN. QazAqparat - Vedomstvoaralyq komıssııa «jasyl aımaq» pen «sary aımaqta» ornalasqan óńirlerde qoǵamdyq kóliktiń jumysyna qatysty sheshim qabyldady, dep habarlaıdy QazAqparat.
«Qoǵamdyq kóliktiń jumysyn basqa qyzmet túrlerimen úılestirý. «Jasyl aımaqta» ornalasqan óńirlerde qoǵamdyq kóliktiń jumysy apta ishinde saǵat 23:00-ge deıin uzartylady. «Sary aımaqta» ornalasqan óńirlerde qoǵamdyq kóliktiń jumysy demalys jáne mereke kúnderin qospaǵanda, saǵat 23:00-ge deıin uzartylady», delingen qujatta.
Eske sala ketsek, QR Premer-Mınıstriniń orynbasary Eraly Toǵjanovtyń tóraǵalyǵymen ótken Vedomstvoaralyq komıssııanyń otyrysynda Memleket basshysy Q. Toqaevtyń 2020 jylǵy 16 qarashadaǵy COVID-19 taralýyna qarsy is-qımyl boıynsha bergen tapsyrmalary sheńberinde naqty sharalar ázirlendi.
