«Jasyl aýyl» atanǵan Arnasaıda 30-dan astam halyqaralyq joba júzege asyryldy - Aqmola oblysy
KÓKShETAÝ. QazAqparat - Aqmola oblysynyń Arshaly aýdanyndaǵy «Jasyl aýyl» atanǵan Arnasaı aýylynda 30-dan astam halyqaralyq joba júzege asyryldy, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Astanadan 30 shaqyrym qashyqtyqta ornalasqan Arnasaı eldi mekeni sońǵy kezderi «jasyl aýyl» atanyp júr. Aýyldaǵy orta mektep janynan ashylǵan jasyl tehnologııalardyń halyqtyq akademııasynda jergilikti oqýshylaryna jasyl tehnologııany qoldaný ádisi úıretilýde. Akademııa jylyjaıynda kókónister men jemis-jıdekterdi ósirýde ekologııalyq taza ári únemdi tehnologııalardy keńinen qoldanylady. Olardyń ishinde osy kúni kún kollektorlary, bıogýmýs, geleosorǵysh, pırolızdi pesh, dıodty jaryq, sensorlyq shúmekter, aýa ıonızatory, fıtojylyjaı, tuman túsirý tehnologııasy tárizdi 33 joba júzege asyryldy. Bul jobalar sý men jaryqqa ketetin elektr energııasyn únemdeýge múmkindik berip otyr. Alynǵan ónim deldalsyz Astana qalasynda satylýda. Aýyldaǵy orta mekteptiń oqýshylary jobalarǵa belsendi qatysyp, óz tájirıbelerimen bólisýde.
«Men 13 jasymda dıodty jaryq jobasy boıynsha 1000 AQSh dollary kóleminde grant utyp aldym. Alǵash ret bul jobamen elektıvti kýrsta tanystym. Sodan beri ony tereń zerttep, qazir osy salaǵa mamandanyp aldym. EKSPO-2017 kórmesinde osy jobany usynýdy josparlap otyrmyz», deıdi Vıacheslavka orta mektebiniń oqýshysy Aleksandr Bartkevıch.
Sonymen qatar, EKSPO-2017 qarsańynda Arnasaı aýylynda jylyna 60 myń tonna qoqys óńdeıtin zaýyt salý josparlanǵan. Turmystyq qaldyqtar aýdandaǵy aýyldar men Astana qalasynan jetkiziletin bolady. Qoqys suryptalady jəne tereń óńdeledi. Qazirgi kezde zaýytty salý úshin jer telimi anyqtalyp, germanııalyq ınvestorlarmen əriptestik týraly memorandýmǵa qol qoıylyp, nysannyń alǵashqy qazyǵy qaǵylyp otyr.
