Jasyl aýla: almatylyqtarǵa tegin kóshet taratý naýqany bastaldy

ALMATY. QazAqparat – Almatyda turǵyndarǵa tegin kóshet taratýǵa arnalǵan «Jasyl aýla» naýqany bastaldy. Bul týraly qalanyń ekologııa jáne qorshaǵan orta basqarmasy málim etti, dep habarlaıdy QazAqparat tilshisi.

Naýqan aıasynda kópqabatty úılerdiń aýlasy men qoǵamdyq keńistikterdi kógaldandyrýǵa nıetti árbir almatylyq shaǵan, úıeńki, shegirshin, terek, qaraǵan men qaıyńnyń kóshetterin tegin ala alady.

Qatysýshylar otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıady.

Al, qatysý úshin [e-mail] elektrondy poshtasyna kelesi málimetterdi joldaý qajet:

1. Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;

2. Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);

3. Suralyp otyrǵan kóshettiń túri men sany.

«Ótinimder 17 - 25 qazan aralyǵynda qabyldanady. Kóshetterdi taratý kelesi mekenjaı boıynsha júzege asyrylady. Aǵash otyrǵyzý jumystaryn 27 qazannan bastap júrgizip, fotoesep joldaý qajet», - dep habarlady Almaty qalasynyń ekologııa jáne qorshaǵan orta basqarmasynan.

Aıta keteıik, mamandar kórsetilgen ýaqyttan keıin joldanǵan ótinishterdiń qarastyrylmaıtynyn málimdeıdi. Qosymsha aqparat alý úshin jasyl qordy basqarý jáne monıtorıng bólimine kelesi nómir boıynsha habarlasýǵa bolady: [phone].