Jasybaı kóli 400 kelige jýyq qoqystan tazartyldy (FOTO)
ASTANA. QazAqparat - «Bolashaq» qaýymdastyǵy Pavlodar oblysy ákimdigimen birlesip, S.Toraıǵyrov atyndaǵy Pavlodar memlekettik ýnıversıtetiniń rektory Aryn Órsarıevtiń qoldaýymen ekologııalyq aktsııa uıymdastyrdy.
Onyń maqsaty Baıanaýyl ulttyq parkindegi Jasybaı kóliniń týrıstik aımaǵyndaǵy ekologııalyq jaǵdaıdy jaqsartý bolyp tabylady.
13-14 tamyz kúnderi «Bolashaq» qaýymdastyǵynyń músheleri Jasybaı kólindegi halyqqa keń tanymal «Mahabbat» araly ornalasqan aımaqty jáne sý jaǵalaýy aýmaǵyn sanıtarlyq tazartýǵa arnalǵan is-sharalar keshenin ótkizdi. Baıanaýyldyń kólemi jaǵynan ekinshi sanalatyn bul kóli jońǵar shapqynshylyǵy zamanynda qazaq dalasy úshin erlikpen kúresken Jasybaı batyrdyń qurmetine atalǵan.
«Mahabbat» araly ataýynyń da óz tarıhy bar: bul jer áıgili qazaq lırıkalyq epostyq poemasynyń keıipkerleri Baıan sulý men onyń súıiktisi Qozy kórpesh týraly kóptegen súıikti ańyzdardyń besigi.
Kóldiń túbi men aýmaǵyn tazartýǵa tájirıbeli daıverler jáne 40-tan astam eriktiler, sondaı-aq «Bolashaq» baǵdarlamasynyń túlekteri qatysty. Qorshaǵan ortanyń jaı-kúıine beıjaı qaramaıtyn belsendi azamattar da osy aktsııaǵa qosyldy. Olardyń arasynda «Next Generation Programmers» atty baǵdarlamalaý jazǵy mektebiniń ókilderi jáne AQG pen Ulybrıtanııa stýdentteri bar.
Ótkizilgen aktsııa nátıjesinde jaǵalaýdan 300 keli jáne kól túbinen 100 keliden asa turmystyq qoqys jınaldy. Qaýymdastyq aldaǵy ýaqytta da osyndaı is-sharalardy jalǵastyrýdy josparlaıdy. Bundaı formattaǵy ekologııalyq aktsııalar, tabıǵatqa shyǵyp kóterińki kóńil-kúıde, belsendilikpen, eń bastysy ýaqytty paıdamen ótkizýge jáne oıy uqsas adamdarmen tanysýǵa tamasha múmkindik beredi.
«Osyndaı aktsııa ótkizýdiń ózi jáne ony qoldaǵan erkitilerdiń sany jaǵynan kóp bolǵany kóp nárseni bildiredi. Kúsh-jigerimizdi biriktirip, biz óz qadamymyzben qorshaǵan ortaǵa aıtarlyqtaı yqpal etýdiń tetigi retinde ekologııany jaqsartý sharalaryn ótkizý azamattardyń óz qolynda ekendigin úlgi etip kórsettik. Bul ásirese, Baıanaýyl sııaqty týrıster úshin tartymdy, ári tabıǵı qunydylyǵy zor oryndarǵa qatysty», - dep atap ótti «Bolashaq» qaýymdastyǵynyń atqarýshy dırektory Azamat Bojaqov.
Jasybaı kólin tazartýǵa arnalǵan ekologııalyq aktsııa Qazaqstan Respýblıkasy Táýelsizdiginiń 25 jyldyǵyna jáne qaýymdastyqtyń 15-jyldyǵyna arnalǵan «Bolashaq» qaýymdastyǵynyń «25 Qaırymdy is» atty jobasy aıasynda qorshaǵan ortany qorǵaý baǵytynda júrgizildi.
Joba 8 baǵytty qamtıdy: bıznes ortasyn jaqsartý, qorshaǵan ortany qorǵaý, bilim berý, densaýlyq saqtaý, qaırymdylyq, dene shynyqtyrý men sportty damytý, mádenı jáne patrıottyq is-sharalar.
