Jasy kelgen elshilerdiń barlyǵy qyzmetinen bosatylady - Nazarbaev
ASTANA. QazAqparat - «Jasy kelgen elshilerdiń barlyǵy qyzmetinen bosatylyp, olardyń ornyna jańa elshiler taǵaıyndalatyn bolady». Bul týraly Elbasy Nursultan Nazarbaev elimizdiń Syrtqy ister mınıstrliginiń basshylyq quramymen kezdesý kezinde málim etti.
«Jalpy, elshilikte kadr máselesine jaqsylap qaraýymyz kerek. Reseı, Qytaı, Eýropanyń Germanııa, Frantsııa sııaqty keıbir elderinde, Amerıka Qurama Shtattarynda bizdiń saýda-sattyqpen shuǵyldanatyn ýákilderimiz bolýy kerek. Barlyq elder solaı jasaıdy. Eksportqa shyǵatyn taýarlardy, beri qaraı ınvestıtsııa tartý; men baryp kelisip ketken jerlerde solardyń artynan júrip, shaqyryp alyp kelip, qaı jerde kimmen sóılesý kerektigin kórsetetin elshiler bolady. Tek qana syrtqy saıasatpen otyramyz degen bolmaıdy. Biz Reseı, AQSh sııaqty syrtqy saıasatymyz dúnıeniń barlyǵyna yqpalyn tıgizip otyrǵan úlken el emespiz. Biz óz jaǵdaıymyzdy oılaýymyz kerek», - dedi Memleket basshysy.
