Jasy 100-den asqan qarııalar qajylyqqa keldi
ASTANA. 7 qazan. QazAqparat - Úndistannan qajylyq paryzyn óteý úshin jasy 100-den asqan úsh qarııa qasıetti saparǵa attandy.
Ǵasyrdy artqa tastaǵan qarııalar áli de tyń.
Muslim.kz saıtynyń jazýynsha, olardyń arasyndaǵy eń uzaq jasaǵan 107-degi Ismaıl Harıan shtatynan keldi. Al Gýdjarat shtatynyń turǵyny 102-ge tolǵan. Ýttar-Pradesh shtatynyń týmasy Іlııas atamyz bıyl tup-týra 100 jasqa toldy.
Úsheýi de qajylyqqa «koroldiń meımany» retinde, ıaǵnı jolǵa shyǵyndanbaı, tegin ushyp keldi.
Kıeli Mekke shaharyndaǵy Úndistannyń bas elshisi Fazız Ahmet Kıdýaı juma kúni: «Uzaq jasaǵan úsh qajynyń densaýlyǵy birqalypty. Qarttarǵa qajylyqtyń qyr-syry aıtyldy. Úndistannyń medıtsına qyzmetkerleri olardyń densaýlyǵyn udaıy qadaǵalap otyrady»,- dep málimdedi.
Elshiliktiń derekterine qaraǵanda, Úndistannan 100 91 qajy ótken beısenbige deıingi aralyqta Jıdda men Mekkege kelip úlgergen. Olardyń 23-i Mekkede, al 12-i Mádınada kóz jumyp, qajylyq kezinde dúnıeden ozdy.
