Jasulan Sársebaev Abaı oblysy ákiminiń orynbasary laýazymyna taǵaıyndaldy
SEMEI. KAZINFORM – 1986 jyly Semeı oblysynyń Aıagóz qalasynda dúnıege kelgen. Qazaq gýmanıtarlyq-zań ýnıversıtetin «Quqyqtaný» mamandyǵy boıynsha, quqyqtaný bakalavry jáne Qazaq gýmanıtarlyq-zań ınnovatsııalyq ýnıversıtetin «Ekonomıka» mamandyǵy boıynsha, ekonomıka jáne bıznes magıstri mamandyǵy boıynsha bitirgen.
Jasulan Birlikuly Sársebaev memlekettik qyzmette eńbek jolyn Shyǵys Qazaqstan oblysy ishki saıasat basqarmasy saıası partııalar men dinı birlestiktermen jumys bóliminiń bas mamanynan bastap, Mádenıet basqarmasy basshysynyń orynbasary, jastar saıasaty máseleleri, týrızm jáne syrtqy baılanystar, jumyspen qamtý jáne áleýmettik baǵdarlamalardy úılestirý, ishki saıasat basqarmalarynyń basshysy, Shyǵys Qazaqstan oblysy ákimi apparatynyń basshysy bolyp qyzmet atqarǵan.
Abaı oblysy qurylǵannan bastap Abaı oblysy ákiminiń apparat basshysy qyzmetin atqardy.
Qazaqstan Respýblıkasy Prezıdenti Ákimshiliginiń kelisýimen 2024 jyldyń 3 shildesinen Abaı oblysy ákiminiń orynbasary laýazymyna taǵaıyndaldy.
