Jasulan Qydyrbaev sporttan segiz jylǵa shettetildi
ASTANA. QazAqparat - Halyqaralyq aýyr atletıka federatsııasy (IWF) qazaqstandyq ziltemirshiler - Jasulan Qydyrbaev, Almas Óteshev pen Ermek Ómirtaıdy dopıngke baılanysty sporttan shettetti, dep habarlaıdy Vesti.kz.
2015 jyly jeltoqsan aıynyń sońynda IWF Hıýstonda ótken sol jylǵy álem birinshiligi kezinde tapsyrǵan dopıng-synamalarynan tyıym salynǵan preparattar tabylǵany úshin qazaqstandyq sportshylardy ýaqytsha sporttan shettetken bolatyn.
Endi halyqaralyq uıym Almas Óteshev pen Ermek Ómirtaıdy 4 jylǵa, al tyıym salynǵan preparatty qaıtalap qoldanǵany úshin Jasulan Qydyrbaevty 8 jylǵa sporttan shettetti. Odan bólek, Óteshev pen Qydyrbaev Hıýstonda ótken álem chempıonatynda alǵan medaldarynan aıyryldy. Esterińizde bolsa, baıraqty básekede Almas kúmis, Jasulan qola medal enshilegen edi.
