Jasulan Qydyrbaev pen Jazıra Japparqul QR Eńbek sińirgen sport sheberleri atandy
ASTANA. QazAqparat - Aýyr atletıkadan Álem chempıonatynyń altyn medaliniń ıegeri Jasulan Qydyrbaev pen álem birinshiliginiń kúmis júldegeri Jazıra Japparqul Qazaqstannyń eńbek sińirgen sport sheberi ataqtaryn aldy.
Bul mártebeli ataq olarǵa aýyr atletıkadan álem chempıonatynyń jeńimpazdary men júldegerlerin marapattaý kezinde berildi. Sonymen qatar aýyr atletıkadan Qazaqstan quramasynyń bas jattyqtyrýshysy Alekseı Nı men jattyqtyrýshy-keńesshi Enver Týrkelerı dene shynyqtyrý isine qosqan úlesteri úshin marapattaldy. Buǵan deıin habarlanǵandaı, álem birinshiliginiń jeńimpazdary - 15 myń dollar, kúmis medal ıegerleri - 7 myń dollar kólemindegi aqshalaı sertıfıkattarǵa ıe boldy. Sondaı-aq jeńimpazdar men júldegerlerdiń jattyqtyrýshylary da aqshalaı syıaqylar aldy.
