Ulytaý oblysy boıynsha Tutynýshylardyń quqyqtaryn qorǵaý departamentine jańa basshy keldi

ULYTAÝ. KAZINFORM — Ulytaý óńirlik qurylymynda kadrlyq ózgeris boldy. Jańa basshynyń kásibı joly memlekettik baqylaý jáne quqyqtyq saladaǵy tájirıbemen sabaqtas.

Saýda jáne ıntegratsııa mınıstrligi Tutynýshylardyń quqyqtaryn qorǵaý komıtetiniń Ulytaý oblysy boıynsha departamentiniń basshysy bolyp Jasulan Aıtýǵanuly Dáýletbaev taǵaıyndaldy.

Jasulan Dáýletbaev Qaraǵandy ekonomıkalyq ýnıversıtetin jáne M. Dýlatov atyndaǵy Qostanaı ınjenerlik-ekonomıkalyq ýnıversıtetin «Zańtaný» jáne «Menedjment» mamandyqtary boıynsha támamdaǵan.

Eńbek jolyn 2009 jyly Ulttyq qaýipsizdik komıtetiniń Shekara qyzmetinde bastaǵan.
2014 jyly Qaraǵandy qalasynyń Jumyspen qamtý jáne áleýmettik baǵdarlamalar bóliminde bas maman-zańger qyzmetin atqarǵan.

2015–2016 jyldary Qaraǵandy oblysy boıynsha Tutynýshylardyń quqyqtaryn qorǵaý departamentinde bas maman jáne bólim basshysy bolǵan.

2016–2017 jyldary Sátbaev qalalyq tutynýshylardyń quqyqtaryn qorǵaý basqarmasy basshysynyń orynbasary qyzmetin atqardy.

2017–2024 jyldary Sátbaev qalasynda Taýarlar men kórsetiletin qyzmetterdiń sapasy men qaýipsizdigin baqylaý, sondaı-aq sanıtarııalyq-epıdemıologııalyq baqylaý basqarmalary basshysynyń orynbasary laýazymynda jumys istedi.

2024 jyldan beri Ulytaý oblysy boıynsha Saýda jáne tutynýshylardyń quqyqtaryn qorǵaý departamenti basshysynyń orynbasary bolyp qyzmet etip kelgen.

Osyǵan deıin Qazaqstan Respýblıkasy Memlekettik qyzmet isteri agenttiginiń kelisimimen jáne Soltústik Qazaqstan oblysy ákiminiń ókimimen Álisher Bespaev oblystyq energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndalǵanyn zabarlaǵan bolatynbyz.