Jastyqty qansha ýaqytta aýystyryp turý kerek?
ASTANA. QazAqparat - Amerıkanyń ǵalymdary júrgizgen jańa zertteýden keıin alty aıda bir ret jastyqty aýystyryp turmasa, adam densaýlyǵyna zııan ekeni anyqtaldy.
Olardyń aıtýynsha, eski jastyqqa ter sińip, deneńizden túlegen óli teri qaptap ketedi eken.
Soltústik Korolınalyq Doktor Robert Oeksman - adamnyń durys uıyqtaýy men uıqy gıgıenasyn zertteýshi ǵalym. Onyń pikirinshe, ter sińgen kir jastyqqa betin tósep jatý - adamnyń uıqysynyń buzylýyna ákep soǵyp, ol uıqysyraýdy ádetke aınaldyrýy múmkin.
Áýeli sonyń kesirinen adam astmaǵa shaldyǵý qaýpi bar eken.
Sondaı-aq, ǵalymdar jańa jastyq alǵanda onyń kólemine mán berýdi eskertedi. Jastyq qyryndap jatqanda adamnyń basyn omyrtqa deńgeıimen ustap turatyndaı bolýy kerek.
Al, etpetimen nemese shalqalap uıyqtaıtyn adamdardyń jastyǵy juqa bolǵany jón.
