Jastarymyz zańdy bilmeıdi, ony saqtaýdyń mán-mańyzyn túsinbeıdi - Prezıdent

ASTANA. QazAqparat – Polıtsııanyń joǵary deńgeıdegi ókilderi ýnıversıtetterge, mektepterge baryp, zańdardy jastarǵa túsindirýi kerek. Memleket basshysy Qasym-Jomart Toqaev Іshki ister mınıstrliginiń alqa májilisinde osylaı dedi, dep habarlaıdy QazAqparat Aqordaǵa silteme jasap.

«Kelesi bir mańyzdy máselege arnaıy toqtalǵym keledi. Polıtsııanyń joǵary deńgeıdegi ókilderi ýnıversıtetterge, mektepterge baryp, zańdardy jastarǵa túsindirýi kerek. Ásirese, zań buzýdyń saldaryn anyq kórsetýi qajet. Ókinishke qaraı, bizdiń jastarymyzdyń arasynda zań saýatsyzdyǵy keńinen taralǵan, basqa sózben aıtqanda, jastarymyz zańdy bilmeıdi, zańdy saqtaýdyń mán-mańyzyn túsinbeıdi. Al mundaı quqyqtyq saýatsyzdyqtyń saldary óte aýyr. Men árbir jıynda qoǵamymyzda zań ústemdigi bolý kerek, sonyń negizinde tártip bolý kerek dep aıtyp júrmin. Polıtsııa qyzmetkerleri osy qarapaıym tujyrymdamany halyqqa, azamattarǵa, ásirese, jastarǵa jetkizýi kerek», - dep atap ótti Qazaqstan Prezıdenti.