Jastarymyz biz kórgen qıyndyqtardy eshqashan sezinbesin, surapyl soǵysty esh ýaqytta bilmesin - soǵys ardageri

ASTANA. QazAqparat - Jastarymyz bizdiń býyn kórgen qıyndyqtardy eshqashan sezinbesin, surapyl soǵysty esh ýaqytta bilmesin. Bul pikirdi Astanadaǵy «Qazaq Eli» alańynda ótken Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan áskerı sherýden keıin soǵys ardageri Qoısha Beısenbaev bildirdi.

«Jastarymyz bizdiń býyn kórgen qıyndyqtardy eshqashan sezinbesin, surapyl soǵysty esh ýaqytta bilmesin degim keledi. Búgingi beıbit kúnniń qadirin bileıik», - dedi ol.

Sonymen qatar qart maıdanger barlyq soǵys jáne eńbek ardagerlerin Jeńistiń 70 jyldyq mereıtoıymen quttyqtap, olardyń otbasyna molshylyq, denderine saýlyq tileıtindigin atap ótti. Búgingi áskerı sherýge de kóńili tolyp, elimizdiń Armııasynyń kúsh-qýatyna bir marqaıyp qalǵanyn aıtty.

«Qazirgi ýaqytta elimizde soǵysqa qatysqan, tylda eńbek etken barlyq adamdarǵa memleket tarabynan zor qamqorlyq jasalyp keledi. Munyń barlyǵy Elbasymyz Nursultan Nazarbaevtyń durys saıasat júrgizip otyrǵandyǵynyń jemisi», - dedi Q.Beısenbaev.