Jastarmen jumys isteıtin úkimettik emes uıymdar qurýǵa 300 mln. teńge jumsalmaq - DSM
Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Halyq densaýlyǵy jáne densaýlyq saqtaý júıesi týraly» Kodeksiniń iske asyrylý máselesin talqylaý barysynda málim boldy.
Densaýlyq saqtaý vıtse-mınıstri Erik Baıjúnisovtyń aıtýynsha, byltyrǵy jyly elimizdiń barlyq óńirlerinde «shuǵyl jeliler» ashylyp, oǵan jastar tarapynan 5700-ge tarta ártúrli ótinishter kelip túsken. «Biz jastar máselesine qatysty jaǵdaılardy halyqaralyq sarapshylardy qatystyra otyryp, tereń zerttedik. Bundaı jumystardyń negizinen jetkinshekter arasyndaǵy josparsyz júktiliktiń aldyn alýda, jastar arasyndaǵy esirtkimen, ishimdikpen kúresýge, sondaı-aq balalar men jasóspirimderdiń óz-ózine qol jumsaýynyń aldyn alýda úlken mańyzǵa ıe ekeni belgili. Sol úshin biz halyqaralyq konferentsııalar uıymdastyrdyq. Basty túıgenimiz - biz aǵymdaǵy jyldan bastap úkimettik emes uıymdarmen jumysty jandandyramyz dep sheshtik, kóp kúsh solarǵa artylady», - dedi E. Baıjúnisov.
Onyń aıtýynsha, bul baǵytta jastar belsendi paıdalanatyn Internettegi áleýmettik jelilerge de basa nazar aýdarylatyn bolady.
