«Jastarǵa zor múmkindik»: BQO-da jańa jataqhana paıdalanýǵa berildi
ORAL. KAZINFORM – Batys Qazaqstan oblysynyń Syrym aýdanynda 30 orynǵa laıyqtalǵan Syrym kolledjiniń jańa jataqhana ǵımaraty qoldanysqa berildi.

Qazirgi tańda kolledjde aýyl sharýashylyǵy mamany, dánekerleýshi, elektr jabdyqtaýshy, aspaz jáne t.b mamandyqtar boıynsha 115 stýdent bilim alyp jatyr.
Jańa jataqhana ǵımaratynyń ashylýyna Batys Qazaqstan oblysynyń ákimi Narıman Tóreǵalıev, bilim salasynyń ardagerleri, ustazdar, stýdentter jáne aýdan turǵyndary qatysty.

– Memleket basshysy Qasym-Jomart Toqaev bıylǵy jyldy jumysshy mamandyqtar jyly dep jarııalaǵan bolatyn. Bul – jumysshy mamandyqtardyń, onyń ishinde eńbek adamdarynyń róli qoǵamda barynsha mánge ıe ekeniniń belgisi. Osy rette elimizde tehnıkalyq jáne kásiptik bilimge úlken mán beriledi. Sebebi jumysshy mamandyqtardyń basym bóligi osyndaı bilim ordalarynda biliktilikterin shyńdaıdy. Búginde oblysymyzda 35 kolledj jumys isteıdi. Aldaǵy ýaqytta biz eskirgen jataqhanalardy jańǵyrtý jumystaryn jalǵastyramyz, - dedi BQO ákimi Narıman Tóreǵalıev.


Jataqhanada kitaphana, akt zaly, sport zal, ashana, kir jýý bólmeleri bar.
Stýdent Álı Nabıolla aýdan ortalyǵyndaǵy kolledjge birneshe shaqyrym jerde ornalasqan aýyldan kelip qatynaıtyn. Endi jataqhanaǵa ornalasyp, esh qıyndyq kórmeıtinin aıtty.
– Jańa jataqhananyń ashylǵanyna qýanyshtymyz. Munda barlyq jaǵdaı jasalǵan. Endigi kezekte bilim alyp, eldiń damýyna úles qosqym keledi. Prezıdentke jastardyń bilim alýyna zor múmkindik jasaǵany úshin alǵysymyzdy bildiremiz, - dedi kolledj stýdenti.
