Jastarǵa ótken ǵasyrdaǵy qazaq halqy basynan ótkergen náýbetti kezeńi jaıynda kóbirek aıtý kerek - A. Idıgov
«Qazaqstan halqy dostyq pen ózara túsinistik jaǵdaıynda ómir súrip jatyr. Ótken ǵasyrdyń otyzynshy jyldarynan bastap túrli ult ókilderin qazaq jerine aýdarylǵanyn bilesizder. Sol kezde qazaq halqy qıyn jaǵdaıdyń shyrmaýynda bolǵan edi. ıAǵnı, «myń ólip, myń tirilgen qazaq halqy» dep beker aıtpaǵan. Buǵan qaramastan, Qazaqstan aýmaǵyna kóptegen ulttardyń ókilderin jer aýdaryp jatty. Atap aıtqanda, qazaq halqynyń ózindik dástúri bar, onyń ústine dili bólek ózge ulttar osy jerge májbúrli qonystandyryldy. Sol kezde osy jerde óte úlken synaq boldy. Birinshi kezekte qazaq halqy úshin. Sondaǵy náýbetti kezeńdi sol jyldary birlese barshamyz eńsergen bolsaq, eń aldymen bul - qazaq halqynyń eńbegi. Eshkimdi keýdesinen ıtermeı, barlyǵyna bir shańyraqtyń astynda oryn berdi», - dep toqtaldy Atsalım Idıgov.
Onyń sózine qaraǵanda, osyndaı dostyq, baýyrlastyq qatynastardy jas urpaqqa keńinen nasıhattaý kerek.
«Máselen, bizdiń býyndy toleranttylyqqa nasıhattaýdyń qajeti joq, sebebi, biz ony kórdik jáne jaqsy túsinip otyrmyz. Ótken ǵasyrda qazaq halqynyń basynan ótkergen qıyndyqtaryn, Qazaqstanǵa qonystandyrylǵan ózge ult ókilderiniń náýbeti jaıynda jastarǵa kóbirek aıtý kerek. Olar osynda turyp jatqan ult ókilderi týraly bilýi kerek. Atap aıtqanda, bul baǵyttaǵy tarıhpen jastar jaqsylap tanysýy tıis. Tek sonda ǵana urpaqtan-urpaqqa bir otbasynyń balalaryndaı birlik pen beıbitshiliktegi ómirimizdi jalǵastyra alamyz», - dep túıdi QHA múshesi.
