Jastarǵa maqsatkerlik, eńbekqorlyq jáne kreatıv qajet - Samıra Taıtenova
Onyń aıtýynsha, búgingi jastar ekonomıkalyq, mádenı jáne saıası turaqtylyǵy bir-birin serpindi almastyratyn oqıǵalarǵa toly elde ómir súrip jatyr. Búginde qazaqstandyqtardyń ál-aýqatyn arttyrý, halyqtyń tabysyn kóterý - basty maqsat.
«Memleket basshysy Qasym-Jomart Toqaev jemqorlyqqa qarsy is-qımyl máselesine erekshe mán berip otyr. Qazirgi kezde «Jemqorlyqtan ada óńirler» jobasy júzege asyrylýda. Aqmola oblysynda bul joba «Aqmola - adaldyq alańy» ataýymen belgili. Bul joba turmystyq jemqorlyq deńgeıin azaıtýǵa, memlekettik qyzmetterdiń sapasyn arttyrýǵa, azamattar úshin jaıly jáne kedergisiz jaǵdaı jasaýǵa jáne basshylardyń jaýapkershiligin arttyrýǵa baǵyttalǵan», - deıdi ol.
Onyń sózinshe, jemqorlyq rýhanı qundylyqtar daǵdarysy jaǵdaıynda, materıaldyq ıgilik rýhanı ıgilikten qymbat bolǵan jaǵdaıda týyndaıdy. Osy sebepti «Aqmola - adaldyq alańy» jobasynyń qyzmetinde jemqorlyqqa qarsy qundylyqtardy dáripteý, azamattardyń jemqorlyqqa qarsy joǵary mádenıetin qalyptastyrý, quqyqtyq saýatyn arttyrý boıynsha jumysqa zor mán beriledi.
«Búgingi tańda QR Prezıdenti Qasym-Jomart Toqaev sybaılas jemqorlyqqa qarsy kúres boıynsha túzetýler paketin ázirleýdi tapsyrdy. Prezıdent óz sózinde «Ómirde eń bastysy - adamnyń parasaty, bilimi, joǵary kásipqoılyǵy jáne óz Otanyna adaldyǵy» dep atap ótken edi. Shynymen de meni, jastar ókili retinde «Jastar - progress qozǵaltqyshy» degen messedj shabyttandyrady. Biz - Qazaqstannyń jas urpaǵy, Qazaqstannyń damýynda sheshýshi ról atqaryp, progrestiń qozǵaýshy kúshi bolýymyz kerek. Elbasy 2019 jyldy Jastar jyly dep jarııalady. Osyǵan oraı, arnaıy joba jumys isteı bastady. «Jas kásipker» jastardyń bıznes bastamalarynyń baǵdarlamasy iske asyrylýda, jastardyń startap jobalaryna belsendi qoldaý kórsetilýde. Búgingi kúni árqaısysymyz eń úlken armanymyzdy júzege asyra alamyz jáne ózimizdiń jeke tabys jolymyzdy júrip ótýge múmkindigimiz bar. Tek maqsatkerlik, eńbekqorlyq jáne kreatıv qajet», - deıdi Samıra Taıtenova.
