Jastarǵa qaýipsiz seksýaldy minez-qulyq mashyqtaryn úıretý kerek – Leıla Mahmýdova
NUR-SULTAN, QazAqparat – Qazaqstandaǵy áıelder men qyz-kelinshekter ózderin qaýipsizdikte sezine almaıdy. Bul týraly elordada ótken «16 jasqa deıingi jáne odan asqandar. Mańyzdy áńgimeler» taqyrybyndaǵy talqylaýda aıtyldy.
«Qazaqstandaǵy áıelder men qyz-kelinshekter ózderin jumysta da, qoǵamdyq kólikte, tipti úıde de qaýipsizdikte sezine almaıdy. Qazir zorlyq-zombylyqtyń kóbi úıde bolyp jatyr. Qoǵam men memleket «Qandaı jaǵdaı oryn alsa da áıeldiń ózi kináli shyǵar. Ol joldasy, aǵasy nemese jigitiniń kóńilinen shyǵa almaǵan bolar» dep oılaıdy. Bul oı qaıdan paıda bolady? Sebebi bizdiń memleket teń quqyqty emes», - deıdi Genderlik jáne bilim berý baǵdarlamalarynyń bastamashysy jáne menedjeri Leıla Mahmýdova.
Ár jyl saıyn Qazaqstanda jetkinshekter júktiligi, kóshede tastandy náresteler, balalar men áıelderge qarsy baǵyttalǵan seksýaldy jáne fızıkalyq zorlyq-zombylyq, sýıtsıd jaǵdaılary myńdap tirkelýde. Mundaı jaǵdaıda jas qyzdar men jigitter ózin fızıkalyq jáne emotsıonaldyq turǵydan qorǵaý kerek. Olarǵa qaýipsiz seksýaldy minez-qulyq mashyqtaryn úıretý, aqparattyq sheshimder qabyldap, bireýge «joq» dep aıta almaıtyndaı óziń qurtatyn taptaýryndardy eńserý úshin jynystyq jáne genderlik bilim berý kerek.
Leıla Mahmýdova femınıster er adamdarǵa emes, patrıarhaldy júıege qarsy ekenin aıtty.
«Qazaqstannyń ózi damý joly, óz mádenıeti men mentalıteti bar degen – jalǵan áńgime. Keıbir memleket bul joldy ótip ketti, keıbir memleket osy satyda. «Bizdiń bolmysymyz erekshe» dep oılaıtyn memleketter de bar. Shyn máninde olaı emes. HІH ǵasyrda brıtanııalyq áıelder ózderin qoǵamnyń múshesi retinde sezinbegen, sebebi ol kezde áıelderdiń memleket azamatshasy retinde eshqandaı quqyǵy bolmaǵan. Al memleket azamaty bolý degen ne? Ol – jergilikti deńgeıde, memleket deńgeıinde basshyny tańdaı bilý quqyǵy. ıAǵnı, qoǵamdaǵy, memlekettegi ózgeristerge yqpal ete alý múmkindigi», - deıdi Leıla Mahmýdova.
«Bala jáne densaýlyq» áleýmettik jobasynyń sheńberinde ótken sharany Qoǵamdyq densaýlyq saqtaý ulttyq ortalyǵy, «Shyǵarmashylyq bastamadaǵy áıelder lıgasy» QB, Uyatemes.kz jobasy, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń jáne QR Aqparat jáne qoǵamdyq damý mınıstrliginiń qoldaýymen Y-PEER Kazakhstan qozǵalysy, «Azamattyq bastamalardy qoldaý ortalyǵy» KEAQ uıymdastyrdy.
