Jastarǵa berilgen jaldamaly páter qandaı jaǵdaıda memleketke qaıtarylady

NUR-SULTAN. QazAqparat –Jastarǵa beriletin jaldamaly páterler qandaı jaǵdaıda memleketke qaıtarylady? Bul suraqqa QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Madııar Qojahmet jaýap berdi, dep habarlaıdy QazAqparat tilshisi.

«Erejede bekitilgendeı, jergilikti ákimshilik pen ótinish berýshi jaldamaly úı boıynsha 5 jylǵa kelisimshartqa otyrady. Kelisimsharttyń negizgi talaptary negizinen jumys isteý tártibine negizdelgen. Eger ótinish berýshini jumystan májbúrli túrde emes, arnaıy bosasa, páterdi qaıta tapsyrý kerek bolady. Sol sekildi basqa qalaǵa kóshý jaǵdaıynda páterdi ótkizý kerek. Jyl saıyn jergilikti atqarýshy organ úıdiń jaıyn tekserip otyrady. Sondaı-aq, jas azamat ózi jaldamaly páterdi ala otyryp, basqa bireýge ony jalǵa beretin bolsa nemese tıisti deńgeıde saqtamasa – onda páter memleketke qaıtarylady. Páter jalpyǵa ortaq talapqa saı kelýi tıis. Jaldamaly páterdi berýdiń osyndaı naqty talaptary bar», - dedi Madııar Qojahmet Ortalyq kommýnıkatsııalar qyzmetinde ótken baspasóz máslıhatynda.

Eske sala ketsek, byltyr Jastar jylynyń ashylýyna arnalǵan saltanatty jıynda Elbasy Nursultan Nazarbaev Astana, Almaty jáne Shymkent qalalarynda jastar úshin jylyna 1 myń páter salynatynyn málim etken bolatyn. Al byltyr kúzde Úkimettiń keńeıtilgen otyrysynda sol tustaǵy Indýstrııa jáne ınfraqurylymdyq damý mınıstri Jeńis Qasymbek (qazir - Premer-mınıstrdiń orynbasary) Astana, Almaty, Shymkent jumysshy jastaryna 1 myń páter salý mamyrda bastalatynyn habarlaǵan edi.

Nur-Sultan, Almaty men Shymkent qalalarynda jastarǵa beriletin jaldamaly páter baǵdarlamasyna qalaı qatysýǵa bolatynyn búgingi baspasóz máslıhatynda QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Madııar Qojahmet aıtyp berdi.

Jaldamaly páter alǵysy keletin jastar baǵdarlamaǵa qatysý úshin myna siltemedegi qujattardy jınaýy tıis.