Jastarǵa arnalǵan tarıhı baǵdarlamalar men jobalardy kóbeıtý kerek – Aıda Balaeva
«Bizdiń qoǵam birjaqty emes, onyń kóptegen taraptary bar. Al olardyń barlyǵy óz pikirin bildirgende bizdiń jastar alýan pikirdiń ishinde naqty tarıhı maǵlumat ne bolmasa tarıhı aqıqatqa kóz jetkize almaı jatady. Áli kúnge deıin Keńes úkimetin ańsap, soǵan qaıta oralýdy qalaıtyn azamattar da joq emes», - dedi A. Balaeva «ALJIR» kesheninde jas ǵalymdarmen kezdesýde.
Mınıstr aqparat quraldarynyń jastarǵa qyzyqty formattaǵy dúnıelerdi usynýy qajettigin basa aıtty.
«Zertteýler kórsetkendeı, telearnalardan qansha kórsetkenimen jastar qazirgi formattaǵy baǵdarlamalardy kórmeıdi. Ony ǵylymda júrgen ne bolmasa memlekettik qyzmette júrgen 30-dan asqan azamattar kórýi múmkin. Al jalpy jastar bizdiń arnaıy jasalyp jatqan baǵdarlamalardy kórmeıdi. Sondyqtan bizdiń qazirgi maqsatymyz – osy. Sana tanymdyq jáne aǵartý baǵdarlamalarynan ózgeredi», - dedi Aqparat mınıstri.
A. Balaeva «100 jańa esim» baıqaýynyń jeńimpazyn mysalǵa keltirdi.
«Baıqaýǵa qatysqan jigit Japonııaǵa ketkeli jatqan jerinen hımııa pánin TikTok-ta úıretý arqyly óziniń basqa jolyn tapty. Biz de sondaı joldardy oılastyrýymyz kerek. Bizdiń jastarymyz jaman emes. Olardyń rýhy da, namysy da, oıy men jigeri de bar. Biraq biz óziniń tarıhyn biletin jáne bolashaqqa oı tastaıtyn jastardy qalyptastyrýymyz kerek. Osy kezdesýdiń usynysy retinde tarıhı turǵydaǵy jastarǵa arnalǵan arnaıy baǵdarlamalar men jobalardy kóbeıtý máselesin qarastyraıyq, - deıdi Aıda Balaeva.
