Jastarǵa arnalǵan baspana: Elordada qujat qabyldaýdyń alǵashqy saǵatynda 1500-den astam adam tirkeldi

NUR-SULTAN. QazAqparat - Búgin Nur-Sultan qalasynyń jumys istep júrgen jastarynan satyp alý quqyǵynsyz jalǵa beriletin turǵynjaı alýǵa ótinishter qabyldaý bastaldy, dep habarlaıdy QazAqparat.

«Astana Innovations» AQ-nyń baspasóz hatshysy Ásel Álimhanova óziniń Feısbýk paraqshasynda atap ótkendeı, tańerteńgi saǵat 11.00-de 1500-den astam adam Smart Astana www.smart.astana.kz saıtyna kirip úlgerdi.

Úmitkerlerge 30-dan 45 sharshy metrge deıin 848 bir bólmeli jáne jalpy aýdany 46-dan 70 sharshy metrge deıin 202 eki bólmeli páterler beriletin bolady. Turǵynjaı satyp alý quqyǵynsyz bes jylǵa jalǵa beriledi, oǵan aıyna 5-15 myń teńge + kommýnaldyq tólemder tólenedi.