Jastarǵa arnalǵan «Abaı jastary» turǵyn úı baǵdarlamasynyń sharttary ataldy
Oblys ákimdiginiń málimetine súıensek, jeltoqsan aıynyń 1-inen bastap «Abaı jastary» baǵdarlamasy iske qosyldy. Baǵdarlamanyń ákimshisi – Semeı qalasy ákimdiginiń turǵyn úı ınspektsııasy bólimi. Ákimdik baǵdarlamany «Otbasy bank» AQ-men birlesip júzege asyrady.
«Bir qatysýshyǵa beriletin nesıeniń eń joǵary somasy 15 mln teńgeni quraıdy. Eger turǵyn úı quny bul somadan assa, qalǵan aqshany ótinish berýshi óz qarajaty esebinen tóleıdi. Páter satyp alý úshin bastapqy jarna – turǵyn úı qunynyń 10%. Paıyzdyq mólsherleme – 5%. Nesıeniń maksımaldy merzimi – 19 jylǵa deıin», - delingen aqparatta.
Baǵdarlamaǵa memlekettik turǵyn úı qorynan baspana kezeginde turǵan 18-35 jas aralyǵyndaǵy jastar qatysa alady. Sondaı-aq osy jas aralyǵyndaǵy jýrnalıster, memlekettik, bıýdjettik mekemelerde jumys isteıtin mádenıet, densaýlyq jáne sport salasynyń qyzmetkerleri qatysa alady.
«Qatysýshylarǵa qoıylatyn talaptar – Abaı oblysy, Semeı qalasynda turǵylyqty tirkeýde bolýy. Nekede turǵan adamdar, 18 jasqa tolmaǵan balalary barlar úshin barlyq otbasy músheleri tirkelýi kerek. Qatysýshynyń jáne qazirgi ýaqytta onymen birge turatyn otbasy músheleriniń keıingi 5 jylda baspanasy bolmaýy mindetti (jaǵdaıy apatty dep tanylǵan úılerdi qospaǵanda). Jergilikti atqarýshy organdarda kezekte turǵandardy qospaǵanda, mádenıet, sport, densaýlyq saqtaý, BAQ salalarynda keminde 1 jyl jumys isteýi shart. Baǵdarlamaǵa kásibı qyzmet túrine qaramastan, turǵyn úıge muqtaj sanatqa jatatyn tıisti jastaǵy azamattar qatysa alady. Eger baǵdarlama qatysýshylary erli-zaıypty bolsa, onda olardyń bireýi ǵana ótinish bere alady», - delingen habarlamada.
Ótinishter Semeı qalasynyń turǵyn úı ınspektsııasy bóliminde (Shmıdt kóshesi, 9/1 mekenjaıynda) qabyldanady. Qujattardy qabyldaý osy jyldyń 22 jeltoqsanynda bastalyp 2023 jyldyń 12 qańtaryna deıin jalǵasady. Qabyldaý ýaqyty – 9.00-den 12.00-ge deıin.
