Jastarǵa arnalǵan 2,5 paıyzdyq nesıe bıyl 218 shyǵysqazaqstandyqqa beriledi
Prezıdent Qasym-Jomart Toqaevtyń tapsyrmasy boıynsha jastar kásipkerligin qoldaý úshin bıyl Qazaqstanda jyldyq 2,5 paıyzben shaǵyn nesıelendirýdiń jańa tetigi iske qosylǵan bolatyn.
Oblystyq aqparat ortalyǵynyń málimetinshe, Shyǵys Qazaqstanda «Agrarlyq nesıe korporatsııasy» AQ arqyly ótinim qabyldaý bastaldy.
Bıyl óńirde jastar úshin 1 mlrd 90 mln teńge somasynda 218 shaǵyn nesıe qarastyrylǵan.
«Jeńildetilgen nesıe berý sharttary: qaryz somasy - 5 mıllıon teńgege deıin, syıaqy mólsherlemesi - jyldyq 2,5%ǵ qaryz merzimi – mal sharýashylyǵyn damytý úshin - 7 jylǵa deıin, bıznestiń basqa baǵyttary úshin - 5 jylǵa deıin. Mindetti túrde kepil bolýy kerek. Kepil retinde jyljymaly jáne jyljymaıtyn múlik qabyldanady», - delingen habarlamada.
Ótinimder «Agrarlyq kredıttik korporatsııa» AQ – Óskemen qalasy, Qabanbaı batyr dańǵyly, 51 mekenjaıynda qabyldanady.
Qandaı da bir suraqtar bolsa 8(701)006-16-51 telefon nómirine qońyraý shalýǵa bolady.
