Jastardyń jumysqa ornalasýda «kókeleri» men «tátelerine» arqaý súıeýine ózimiz kinálimiz - QR Bas prokýrory

ASTANA. QazAqparat - Jastardyń jumysqa ornalasýda «kókeleri» men «tátelerine» arqaý súıeýine ózimiz kinálimiz. «Prokýratýraǵa úzdik kadrlar!» dep atalatyn dóńgelek ústel barysynda QR Bas prokýrory Jaqyp Asanov osylaı dedi.

«Bul laýazymǵa kiriskenime nebári 2 aı ǵana boldy. Men ár ýaqytta, kún saıyn bireýlerdi jumysqa alýdy suraıdy. Túıindemeler syılaýǵa tyrysady. Bastapqyda túsindirýge tyrysatyn edim, qazir qoıdym. Ondaǵan kandıdattar usynady. Bizdiń keıbir jastarymyzda «kókeleri» men «táteleri» sánge aınalǵan. Olar úshin bul qalypty jaǵdaı. Solaı bolýy qajet sııaqty. «Munan ózgeshe qalaı bolýy múmkin?», dep tań qalady. Biraq,  meniń jeke pikirim, bul rette negizinen olar kináli emes. Biz, prokýratýra basshylyǵy kinálimiz»,-  dedi ol.

Osy rette Bas prokýror prokýratýra organdaryna kadr irikteý júıesiniń ádiletti qurylmaǵandyǵyn aıtyp, sol sebepti jastardyń jumysqa ornalasýdyń túrli joldaryn izdeıtindigin eskertip ótti.

«Taǵaıyndalǵannan keıin 2-3 kúnnen soń, sáýirdiń sońynda men ne isterimdi bilmegendikten jumysqa qabyldaýǵa moratorıı jarııaladym. Ol búgingi kúngi kúnge deıin qoldanysta. 180-nen astam bos oryn jınalyp qaldy. Maǵan anda, mynda adamdar jetispeıtindigin, jumystyń toqtap qalǵandyǵyn aıtýda. Alaıda, men moratorııdi alyp tastaı almaımyn. Nege? Óıtkeni, jumysqa qabyldaý barynsha ashyq ári obektıvti túrde bolýy tıis», - dedi J.Asanov.