Jastardyń jeńildik múmkindikterin 35 jasqa deıin kóterý qajet - Á. Turdyǵulov
ALMATY. Qyrkúıektiń 28-i. QazAqparat /Ádilet Musahaev/ - 2004 jylǵy 7 shildedegi «Respýblıkamyzdaǵy memlekettik jastar saıasaty týraly» QR Zańy tolyqtyrýlar men ózgertýlerdi qajet etip otyr. Bul jaıynda búgin Qazaqstan Jastar odaǵynyń Tóraǵasy Áset Turdyǵulov Almaty qalasy ákimdigi janyndaǵy jastar saıasatyn júzege asyrý máselesi jónindegi Keńestiń otyrysynda aıtty, dep habarlaıdy QazAqparat.
Atalmysh jıyn jastardyń rýhanı, mádenı jáne kásibı bilimi jaǵynan qalyptasýyn, olardyń búkil qoǵam múddesi jolyndaǵy shyǵarmashylyq áleýetin ashý úshin áleýmettik-ekonomıkalyq, quqyqtyq, uıymdastyrýshylyq jaǵdaılar men kepildikterdi jasaý maqsatynda ótkizilip otyr.
Otyrystyń kún tártibinde 2004 jylǵy 7 shildedegi «Respýblıkamyzdaǵy memlekettik jastar saıasaty týraly» QR Zańyn jetildirý máseleleri men «2011-2020 jyldarǵa arnalǵan QR-nyń Bilimdi damytý memlekettik baǵdarlamasynyń» jobasy qarastyryldy.
Qazaqstan Jastar odaǵynyń Tóraǵasy Áset Turdyǵulov 2004 jylǵy jastar saıasaty týraly zań sol ýaqytqa sáıkes bolǵandyǵyn, degenimen ýaqyt óte kele bul normatıvti qujat tolyqtyrý men ózgertýdi qajet etip otyrǵandyǵyn jetkizdi. «Sońǵy ótken 6 jyldyń ishinde osy zańǵa qatysty óte kóp usynystar men tolyqtyrýlar jasalyndy. Tipten 2008 jyly Parlamenttik tyńdalym ótkizilip, kóptegen usynystar aıtyldy, biraq odan bergi ýaqytta úlken qozǵalysty ókinishke oraı baıqaı almaı otyrmyz», deıdi Á. Turdyǵulov. Ol osy zańdy zertteý barysynda 1991 jylǵy Qazaq SSR kezinde qabyldanǵan memlekettik jastar saıasaty týraly zańǵa úńilip, sol zańmen qazirgi zańdy salystyrǵandaǵy erekshelikterge toqtalyp ótti. «Onda qazirgi zańdaıǵydaı jastarǵa mynandaı kómekter kórsetilý kerek dep jazylmaǵan, jastarǵa shyn máninde qajetti kómeketer naqty jazylǵan. Mysaly jastardyń áleýmettik jáne ekonomıkalyq quqyqtary, mádenıet, ǵylym men tehnıka salasynda jeńildikter kórsetilgen, sonymen qatar sport saýyqtyrý keshenderine baratyn jastarǵa 50 paıyzǵa deıingi jeńildikter qarastyrylsa, erli-zaıypty 35 jasqa deıingi jastarǵa uzaq merzimdi nesıe berý kórsetilgen», dep atap ótti Jastar odaǵynyń Tóraǵasy.
Sondaı-aq ol jastardyń jeńildik múmkindikterin 35 jasqa deıin kóterý qajettigin aıtyp ótti. ıAǵnı qazirgi atalyp júrgen 29 jas mólsherin 35-ke uzartý kerektigin jetkizdi. «Jastardyń jasyn 35-ke deıin kóterý arqyly jas otbasy uǵymyn bólek ınstıtýt retinde qarastyrý qajet. 2015 jylǵa deıin memleketimizdiń demografııasyn kóterý alǵa qoıylǵan, mine osy kórsetkishterge tez jetý úshin jas otbasylarǵa mindetti túrde memlekettiń qamqorlyǵy qajet», deıdi Á. Turdyǵulov. Onyń aıtýynsha jas otbasylarǵa arnaıy nesıe berilip, birinshi bala týylǵan jaǵdaıda nesıeniń alǵashqy 20 paıyzy ótelip, 2-shi bala týǵan jaǵdaıda kelesi 20 paıyzy ótelip otyrýy kerek. Bul bir jaǵynan jas azamattardy baspanamen qamtamasyz etse, ekinshiden demografııachlyq máseleniń sheshilýine baǵyttalady.
Á. Turdyǵulov sonymen birge úkimettik jáne úkimettik emes jumys berýshi mekemeler úshin jas mamandarǵa arnalǵan kvota bolý kerektigin jáne ony mindetti túrde mindetteý kerektigin aıtyp ótti.
Jıynǵa Keńes sarapshylary retinde QR Parlament Májilisiniń depýtattary, Almaty qalasy Máslıhat depýtattary men jergilikti atqarýshy organdardyń basshylary jáne jastar uıymdarynyń belsendileri qatysty.
