Jastardyń reprodýktıvti densaýlyǵyn saqtaýǵa qatysty áleýmettik joba júzege asyrylýda

NUR-SULTAN. QazAqparat - «Jastar arasynda reprodýktıvti densaýlyqty saqtaý máseleleri boıynsha konsýltatsııalyq qyzmetter kórsetý» jańa áleýmettik jobasyn júzege asyrylýda, dep habarlaıdy QazAqparat QR Aqparat jáne qoǵamdyq damý mınıstrliginiń Telegram kanalyna silteme jasap.

Atalmysh sharany «Azamattyq bastamalardy qoldaý ortalyǵy» kommertsııalyq emes aktsıonerlik qoǵamynyń memletkettik granty aıasynda «Jynystyq jáne reprodýktıvtik densaýlyq jónindegi qazaqstandyq qaýymdastyǵy (KMPA)» QR Aqparat jáne qoǵamdyq damý mınıstrliginiń qoldaýymen uıymdastyryp jatyr.

Jobanyń maqsaty – jastardyń reprodýktıvti densaýlyǵyn saqtaýǵa kómek kórsetý.

Áleýmettik joba 2020 jyldyń qyrkúıeginen bastap iske asyrylýda, joba sheńberinde halyq arasynda, otbasyn josparlaý ádisteri, erte júktiliktiń aldyn alý jáne eskertý, jynystyq jolmen beriletin ınfektsııalyq aýrýlardyń profılaktıkasy boıynsha konsýltatsııalyq, aqparattyq – túsindirý jumystary júrgizilýde.

«Áleýmettik joba aıasynda bilikti psıhologtar men medıtsına qyzmetkerleri Sizge senim telefony arqyly keńes beredi. Tel:[phone]»,-delingen habarlamada.