Jastardyń Otanyna qyzmet etetin ýaqyty keldi - Tursyn Nurhan
«Bıylǵy Joldaý el tiregi - jastar máselesine jete mán berilgendigimen asa mańyzdy dep sanaımyn. Qoǵamnyń damý úderisin ilgeriletýdiń jetekshi kúshi jastar ekendigi aqıqat. Osyǵan oraı, bıylǵy jyldyń jastar jyly bolyp jarııalanýy - óte durys sheshim. Búgingi bıliktiń jastarǵa senim artqanyn osydan-aq ańǵarýǵa bolady. ıAǵnı, jastarǵa bıyl jańa múmkindikter týyp otyr. Sol úshin jastarǵa berilgen múmkindikterdi jiberip almaı, el damýyna úles qosýymyz kerek», deıdi Tursyn Nurhan.
Tursyn Nurhannyń aıtýynsha, el táýelsizdigin alǵaly 28 jyl ótti. Osy jyldar aralyǵynda dúnıege kelgen urpaqtyń ishinde shynymen maqtan tutarlyq belsendi jastardyń bolýy qýantady. Jastar jyly - jastarǵa jarqyn bolashaqtyń esigin ashyp, jańa múmkindikter syılaıdy. Elbasy forýmda jastardyń dárejesin kóterý maqsatynda jumyssyz júrgen jastardyń sanyn azaıtýdy, jumysshy jastarǵa arnap Astana, Almaty jáne Shymkent qalarynda jylyna 1000 páter salýdy, erikti stýdentterdiń shákirtaqysyn ósirýdi jáne «Jasyl el» qozǵalysynda «Jasyl qala - jasyl aýyl» baǵdarlamasyn engizý týraly sóz qozǵady. Osynyń barlyǵy - jastardy eńbekke, patrıottyq sezimdi oıatyp, qaıyrymdylyqqa tárbıeleıtin sharalar.
«Ata-babamyz naızanyń ushymen, bilektiń kúshimen saqtap qalǵan ulan-baıtaq jerimizdi keleshek urpaq, biz kózdiń qarashyǵyndaı qorǵap, ári qaraı damýyna jaǵdaı jasaýǵa tıispiz. Keshegi Abylaı han, Kenesary, Mahambettiń urpaǵymyz dep maqtanamyz. Osyndaı atalarymyzdyń atyna kir keltirmeýdi árqashanda esten shyǵarmaýymyz kerek. Jastar jylyna oraı, aıanbaı eńbektenip, el damýyna óz úlesimizdi qosýǵa mindettimiz. Egemendik alǵan jyldary memleket bizge qyzmet etse, qazirgi tańda bizder memleketke qyzmet etetin ýaqyt keldi. Óıtkeni, respýblıkamyzdyń ál-aýqatyn arttyryp, damyǵan 30 memlekettiń qataryna engizý - bizdiń, ıaǵnı jastardyń qolynda dep sanaımyn», - dep túıindedi Tursyn Nurhan.
