Jastardyń qazaqstandyq ónim shyǵarýyna bóget bolmaý qajet - Saǵyntaev
ASTANA. QazAqparat - Jastardyń qazaqstandyq ónim shyǵarýyna bóget bolmaý qajet. Bul týraly búgin «Digital Bridge» halyqaralyq ınnovatsııalyq forýmda QR Premer-Mınıstri Baqytjan Saǵyntaev aıtty, dep habarlaıdy QazAqparat tilshisi.
«Qazaqstan halqynyń 50 paıyzy - Táýelsizdik jyldarynda dúnıege kelgen adamdar. Jaqynda, 16 jeltoqsanda Qazaqstan táýelsizdigine 27 jyl tolady. Bob Dorf: «Jastar eldiń bolashaǵy. Olar osy jerde qalýy, óz elderine oralýy tıis. Al biz, aǵa býyn ókilderi olar úshin barlyǵyn daıyndaýǵa tıispiz» degen edi. Olar eshqaıda ketken joq. Olar ózderi ómir súrgisi keletin eldi, gúldengen, tsıfrlandyrǵan Qazaqstandy jasap jatyr. Menińshe, bizdiń mindetimiz olarǵa bóget bolmaı barlyq jaǵdaılaryn jasaý. Úkimettiń, Parlamenttiń búkil saıasaty zańnamalyq baza ázirlep, olardyń oılaǵan dúnıelerin jasaýǵa múmkindik berý», - dedi Baqytjan Saǵyntaev.
Sonymen qatar Úkimet basshysy jas bıznesmenderge óz ónimderin jasaýǵa zor tabystar tiledi.
«Biz Qazaqstanda jasalǵan ónimniń bolǵanyn, keıin Qazaqstanda jasalǵan jaǵdaıdyń arqasynda dep aıtqanyn qalaımyz. Barlyq jastarǵa tabys tileımin. Bul bastamasy ǵana. Menińshe, jıi kezdesip, talqylap otyramyz dep oılaımyn. Kelesi jyly biz shyn máninde Qazaqstanda múldem basqa deńgeıde kóretin bolamyz», - dedi Premer-Mınıstr.
Aıta keteıik, forýmnyń tsıfrlyq ekonomıkany damytýdyń jahandyq trendteri talqylanǵan jalpy otyrysyna qatysqan Premer-Mınıstr «Digital Bridge» úlken baılanystar jasalatyn alańǵa aınalatyndyǵyn, Qazaqstan tek qana tsıfrlyq kún tártippen ómir súrip jatqanyn aıtqan edi.
Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa.
