Jastardyń qansha paıyzy jumys izdeýde qıynshylyqqa urynady
ASTANA. QazAqparat - Saýalnama nátıjesi boıynsha, jumys izdegen jastardyń tek ár on birinshisine ǵana jumys tabý máselesi qıyndyq týǵyzbaıdy. Bul málimet "Jastar" ǵylymı-zertteý ortalyǵynyń júrgizgen saýalnamasy nátıjesinde aıqyndalǵan, dep habarlaıdy QazAqparat.
Zertteý málimetterine sáıkes, jastardyń 42,2 %-y eńbek naryǵynda eleýli qıyndyqtarmen kezdesedi. Taǵy 30,5 %-y óz mamandyǵy boıynsha jumysqa tura almaǵan. Bul kórsetkish jas qazaqstandyqtar arasyndaǵy "dıplomdy jumyssyzdyq" máselesiniń joǵary ózektiligin dáleldeıdi.
Derekterdiń kórsetýinshe 24 pen 28 jas arasyndaǵy jastar jumyssyzdyqqa jıirek tap bolady. Bulaı saýalnamaǵa qatysqandardyń 48,5%-y jaýap bergen. Bul kórsetkish atalmysh jastardyń oqý ornyn bitirgennen keıin belsendi túrde jumys izdeıtindigimen túsindiriledi.
Jastardyń kópshiligi jumysqa turý qajettiligi týǵan jaǵdaıda belgili qıyndyqtarmen kezdesetinine senimdi, ásirese jas shamasyna baılanysty. Saýalnamaǵa qatysqan jastardyń jartysynan kóbi (61,1 %) negizgi qıyndyq - jumys tájirıbesiniń bolmaýy dep esepteıdi.
Respondentterdiń úshten birinen az bóligi (31,7 %) ýnıversıtette nemese tehnıkalyq jáne kásiptik bilim berý uıymynda alǵan mamandyq boıynsha jumysqa ornalasý qıyn ekenin atap kórsetedi. «Baılanystar men tanystardyń bolmaýy» jumys tabýyna kedergi keltiretin jastardyń úlesi 30,1 % quraıdy.
Bul senim sońǵy úsh jyl ishinde jastar arasynda bolǵan. Saýalnamaǵa qatysýshylardyń tek 2,7 %-y jastarǵa jumysqa ornalasý qıynshylyqtardyń joqtyǵyn kórsetedi.
Aıta keteıik, buǵan deıingi bir sózinde «Jastar» ǵylymı-zertteý ortalyǵynyń dırektory, saıası ǵylymdar kandıdaty Talǵat Qalıev Qazaqstan jastary arasyndaǵy birqatar túıitkilderdi aıtyp bergen bolatyn. Atap aıtqanda sarapshy Qazaqstandyq jastardyń jumys istegisi kelmeıtinin tilge tıek etken edi.
Al qyrkúıek aıynyń ortasynda bolǵan Úkimet otyrysynda QR Qoǵamdyq damý mınıstri Darxan Káletaev jumyssyz jastar máselesin kótergen edi. Mınıstr sóz arasynda oqý-bilimge qulyqsyz, saıası jáne azamattyq belsendiligi tómen, jaýapkershikti óz moınyna alýǵa nıetsiz jastardy «nıetsiz jastar» dep atap, olardyń sany bizdiń elde birı qala halqynyń sanymen birdeı ekenin aıtqan bolatyn.
