Jastardyń boıynda jemqorlyqqa qarsy mádenıet qalyptastyrý mańyzdy - Alık Shpekbaev
Qoǵamdyq qabyldaý qyzmetiniń maqsaty – «bir tereze» ustanymy boıynsha oblystyń jergilikti atqarýshy organdaryna júginýge qolaıly jaǵdaı jasaý, memlekettik organdardyń qyzmetine qatysty aqparattardy usynýdyń qoljetimdigi men sapasyn arttyrý.
Memleket basshysy bekitken «halyq únine qulaq asatyn memleket» tujyrymdamasyn iske asyrý maqsatynda agenttik tóraǵasy Alık Shpekbaev jáne oblys ákimi Danıal Ahmetov atalǵan qoǵamdyq qabyldaý alańynda azamattardy jeke máseleler boıynsha qabyldady.
Sondaı-aq, «Shyǵys – Adaldyq alańy» jobalyq keńsesiniń jáne «Bıznes pen ınvestıtsııany qorǵaý» jobasynyń birlesken qyzmeti aıasynda Sybaılas jemqorlyqqa qarsy qyzmet basshysy ShQO jedel basqarý, aqparattyq tehnologııalar jáne «INVEST IN EAST» ınvestıtsııalyq keńsesiniń ortalyqtarymen tanysty.
Dál osy kúni A.Shpekbaev jáne D.Ahmetov D.Serikbaev atyndaǵy ShQMTÝ-de ótken «Parasatty urpaq» atty sybaılas jemqorlyqqa qarsy stýdenttik forýmge qatysty. Forýmda qazaqsha kúresten QR eńbek sińirgen sport sheberi, «Álem barysy», «Qazaqstan barysy» Aıbek Nuǵymarov, álem chempıony, Olımpıada oıyndarynyń qola júldegeri ıÝlııa Galysheva, Shákárim atyndaǵy Semeı memlekettik ýnıversıtetiniń rektory Meıir Eskendirov, «Sanaly urpaq» belsendileri sóz sóıledi.
Parasat pen adaldyqty beıneleıtin «Aq alaqan» – «Chıstye rýkı» jobasy tanystyrylyp, ýnıversıtettiń Parasat keńsesi ashyldy.
Óz kezeginde, forýmdy qorytyndylaı kele, agenttik tóraǵasy, Qazaqstan jastary – sybaılas jemqorlyqqa qarsy is-qımyl jasaýǵa daıyn eń belsendi jáne nátıjeli top ekenin atap ótti.
Sonymen qosa, jastardy sybaılas jemqorlyqqa qarsy tárbıeleýge jáne otbasy ınstıtýtynyń róline nazar aýdardy.
«Bilim uıymdarynyń sybaılas jemqorlyqqa qarsy aǵartý salasyndaǵy belsendi áleýmettik sala ekeni sózsiz. Degenmen, meniń oıymsha jastarda jemqorlyqqa qarsy mádenıet qalyptastyrýda otbasy, naqtyraq aıtqanda onyń tárbıelik fýnktsııasy eń mańyzdy ról atqarady. Otbasynda óskeleń urpaqtyń tárbıesine erekshe nazar aýdarylýy tıis, sebebi balanyń sanasy men quqyqtyq mádenıeti onyń tárbesine baılanysty. Eger onyń boıynda ar-uıat, ádildik pen parasat bolsa, ol eshqashan zań buzbaıdy, demek sybaılas jemqorlyq quqyq buzýshylyǵyn jasamaıdy jáne halqyna adal qyzmet etedi», - dep atap ótti A.Shpekbaev.
Forým sońynda Sybaılas jemqorlyqqa qarsy qyzmet basshysy «Shyǵys – Adaldyq alańy» jobasy aıasynda Shyǵys Qazaqstan gýmanıtarlyq kolledjine bardy. Bilim mekemelerindegi parasat mektepteriniń maqsaty – óskeleń urpaqtyń boıynda rýhanı qundylyqtar men joǵary adamgershilik qasıetterdi, sybaılas jemqorlyqqa qarsy mádenıetti qalyptastyrý.
Sondaı-aq, agenttik tóraǵasy S.Amanjolov atyndaǵy Shyǵys Qazaqstan memlekettik ýnıversıtetiniń stýdentterge qyzmet kórsetý ortalyǵynyń jumysymen tanysty. Atalǵan ortalyqta stýdentterge «bir tereze» ustanymy boıynsha ákimshilik jáne keńes berý baǵytyndaǵy qyzmetter kórsetiledi.
