Jastardyń bilim izdep shetelge ketpeýi úshin jumys istep jatyrmyz - BǴM
ASTANA. QazAqparat - QR Bilim jáne ǵylym vıtse-mınıstri Bıbigúl Asylova jastardyń bilim izdep, shetelge ketpeýi úshin atqarylyp jatqan jumystardy baıandady, dep habarlaıdy QazAqparat tilshisi.
«2017-2018 oqý jylynda 139 316 túlek mektep bitirgen. Onyń 69 paıyzy nemese 96 myńǵa jýyǵy UBT-ǵa qatyssa, qalǵan 31 paıyzy nemese 43 myń bala testileýge qatyspady. UBT tapsyrǵandardyń 87 paıyzy, ıaǵnı 84 217 túlek Qazaqstan JOO-laryna qabyldandy. Respýblıka kolledjderine 26 990 bala tústi», - dedi vıtse-mınıstr «Nur Otan» partııasy ortalyq apparatynda ótken jastardy qoldaý týraly komıssııa otyrysynda.
Ákimdikter tarapynan qosymsha 1919 grant bólingen. Bul da túlekterdiń ózge elge attanbaı, elde qalýyna septigin tıgizbek.
«ıAǵnı, óńirdegi ákimdikter qosymsha grant bólý arqyly túlekterdiń shetelge ketýiniń aldyn alýda. Prezıdent tapsyrmasymen memlekettik bilim berý tapsyrysyn 20 myńǵa kóbeıttik. Áıtse de, shetelge ketken stýdentterdiń tizimi bar. Atap aıtqanda, Reseı Federatsııasynyń JOO-laryna 8 myń qazaqstandyq qabyldanǵan, onyń 5 197-si Reseıdiń bilim grantymen oqyp jatyr, qalǵan 2 808-i aqyly negizde. 598 qazaqstandyq abıtýrıent Reseı kolledjderine túsken. Odan bólek, 3 myńǵa jýyq qazaqstandyq alys-jaqyn shetelderge oqýǵa ketken», - dedi B. Asylova.
Onyń aıtýynsha, jastardy elde qaldyrý úshin memlekettik bilim grantyn kóbeıtý men stýdentterdiń jaıly ómir súrýine jaǵdaı jasaýdan bólek, bilim sapasyn jaqsartýǵa da nazar aýdarǵan jón.
«Mınıstrlik te, ýnıversıtetter de bul baǵytta jumys istep jatyr. Birinshiden, «Atameken» kásipkerler palatasy mamandyqtar boıynsha JOO-lar reıtıngin jasady. Jyl sońyna deıin taǵy qosymsha mamandyqtar boıynsha tizim jarııalanady. Bolashaq abıtýrıentter men stýdentter osy reıtıngti qarap, eń úzdik qazaqstandyq JOO-lardy tańdaı alady», - dedi Bıbigúl Asylova.
