Jastardyń áskerı mindetterin óteýge qulshynysy zor - podpolkovnık
ASTANA. QazAqparat - Pavlodar oblysyndaǵy qorǵanys isteri departanmenti júzden astam ásker qataryna shaqyrylǵandardy «Batys» jáne «Ońtústik» óńirlik qolbasshylyqtaryna, sondaı-aq, Aqtaý qalasyndaǵy 25744 jáne Gvardeıskıı aýylyndaǵy 75263 áskerı bólimshelerine jiberdi, dep habarlaıdy QazAqparat tilshisi.
«Jastardyń áskerı mindetterin óteýge degen qulyshynystary qýantady. Qarýly kúshter qatarynda ótkizetin ómir mektebi olardyń bolashaqta alǵa qoıǵan maqsattaryna jetýine kómektesedi. Olar óz eliniń naǵyz patrıottary retinde áskerı bilimderin keńeıtip, óz Otandarynyń naǵyz qorǵaýshysyna aınalady», - dedi Pavlodar oblysy qorǵanys isteri departamentiniń shaqyrtý bóliminiń basshysy podpolkovnık Aleksandr Ilınov.
Shaqyrylǵandar ishinde QR BM-iniń úsh aılyq áskerı-tehnıkalyq mektebin bitirip, áskerı mamandyq alǵandary da bar.
«Men úshin qazaqstandyq armııanyń qurylǵanyna 25 jyl tolýy qarsańynda merzimdi áskerı qyzmetke shaqyrtý alý úlken maqtanysh. Men bala kezimnen teńiz jaıaý áskerinde qyzmet etýdi armandadym, búgin sol armanyma jettim de», - deıdi ásker qataryna alynǵan Tóleý Maqsat.
Bolashaq Otan qorǵaýshylarǵa qazaqstandyq armııanyń kúndelikti ómiri men onyń memleket qaýipsizdigi men qorǵanystyq qabileti jaıly fılm kórsetildi.
