Jastardyń arasynda jańa oıyn túri paıda boldy
ASTANA. 20 qarasha. QazAqparat - AQSh-tyń áleýmettik hal-ahýaly nashar aýdandarynda turatyn jasóspirimder arasynda «Nokaýt» atty jańa oıyn túri paıda boldy. Aıta ketetini, bul oıyndaryn jastar ersi sanamaıdy. Kerisinshe ol jastar arasynda keńinen tarap, qoǵamdyq qaýip týdyryp otyr.
Amerıkalyq qara násildi jetkinshekterdiń oılap tapqan jańa ermeginiń sharty boıynsha jastar ótip bara jatqan adamdy bir uryp qulatýy tıis. Tek zardap shekken adam mindetti túrde aq násildi bolýy kerek. Bul - «Nokaýttyń» basty sharty. Jasóspirimder «Nokaýttyń» jaı ǵana kúsh synasý ekenin aıtyp, muny qalypty jaǵdaı retine qabyldaıtyn túr tanytady. Jastardyń bul isi erikkenniń ermegi me álde basqa ma?! Óz kúshin eseptemegen áperbaqan jastardyń áreketinen Sırakýz, Sent-Lýıs jáne Nıý-Djersı qalalarynda adam ólimderi de tirkelgen, dep habarlady 24.kz.
